QR-da JRVI-men jáne tumaýmen syrqattanýshylyq tómendeı bastady - QR UEM
«Qazaqstannyń epıdemıologtary 10 aqpannan bastap JRVI-men jáne tumaýmen syrqattanýshylyq ortasha eseppen 20%-ke kún saıyn tómendep otyrǵanyn atap ótedi», - delingen mınıstrlik habarlamasynda.
Epıdemıologııalyq maýsymnyń basynan (2015 jylǵy 1 qazannan) bastap JRVI jáne tumaýdyń aýrýshańdyq, zerthanaly dıagnostıka jáne aldyn alý boıynsha apta saıynǵy monıtorıngi júrgizilýde.
Monıtorıng málimetine sáıkes respýblıka boıynsha JRVI-diń barlyǵy 550 myńnan astam jaǵdaıy tirkelgen. Aýyrǵan adamdardyń negizgi úlesi 14 jasqa deıingi balalarǵa tıesili jáne jalpy syrqattanýshylyqtyń 68,0%-in quraıdy.
«Zerthanalyq zertteýler derekteriniń taldaýy boıynsha A(H1N1) pdm09, A(H3N2), V tumaý vırýsynyń, sonyń ishinen A(H1N1) pdm09 aınalymda basym bolýy baıqalady, sonymen qatar paragrıpp, respıratorly-sıntsıtıaldy rınovırýsty jáne adenovırýsty ınfektsııalar sııaqty tumaý emes ınfektsııalardyń aınalymda bolýy baıqalady», - dep málimdedi vedomstvoda.
Sonymen qatar, QR UEM-de aıtyp ótkendeı, JRVI-men syrqattanýshylyqtyń tómendeý úrdisine qaramastan epıdmaýsym aıaqtalǵanǵa deıin mynadaı profılaktıkalyq sharalardy saqtaý jáne oryndaý kerek. Atap aıtqanda, JRVI men tumaý maýsymynda ımmýnıtetti jaqsartý preparattaryn (anaferon, ınterferon, vıferon, ınterferon ındýktory), vırýsqa qarsy jaqpamaılar (oksalın, antıvır jáne t.b.), polıvıtamınder paıdalaný.
Budan ózge, vıtamınder men aqýyzǵa baı, ımmýnıtetti arttyratyn taǵamdardy (pııaz, sarymsaq, shópten, ıtmurynnan jáne qaraqattan jasalǵan sýsyndardy jáne ashytqan qyryqqabat, múgjıdek, lımondar, kıvı, mandarınder, apelsınder, greıpfrýt sııaqty quramynda S vıtamıni kóp ónimderdi) tutyný sııaqty ımmýnıtetti nyǵaıtýǵa áser etetin barlyq sharalardy qoldaný.
Sondaı-aq, jıi taza aýada júrip, organızmdi shynyqtyrý usynylady.
«Tumaý asqynýlarmen qaýipti bolatynyn esten shyǵarmaý kerek, sondyqtan respıratorlyq aýrýlardyń alǵashqy belgileri baıqalǵan kezde óz-ózińizdi emdeýmen aınalyspaı, tez arada dárigerge júginý qajet», - delingen habarlamada.
