QR-da «Jazasyn óteýshilerge monıtorıng júrgizýdiń elektrondyq quraly» ilki jobasy iske qosyldy

ASTANA. QazAqparat - Qazaqstan Respýblıkasynda «Jazasyn óteýshiler monıtorınginiń elektrondyq quraly» ilki jobasy iske qosyldy. Bul týraly ІІM Qylmystyq-atqarý júıesi komıtetiniń baspasóz qyzmetinen habarlady.

«Elektrondyq baqylaý júıesi óz erkimen kelisim boıynsha elordalyq QAJ probatsııa qyzmetinde probatsııalyq baqylaýdaǵy qoǵamnan oqshaýlanbaǵan 4 jazasyn óteýshige qoldanyldy», - dep atap ótti áńgimelesý barysynda Astana qalasy QAJ departamentiniń probatsııa qyzmeti bóliminiń bastyǵy Talǵat Meshitbaev.

«Ár jazasyn óteýshiniń aıaǵyna bilezik túrinde elektrondyq qurylǵy ornatylady, ony arnaıy apparatýra kómegimen sheshýge bolady. Bul bileziktiń júrip-turýǵa esh kedergisi joq. Ony taǵyp monshaǵa barýǵa nemese basseınge túsýge bolady».

Elektrondyq baqylaýdyń ereksheligi jeke baǵdarlamada jazasyn óteýshiniń turatyn jeri, jumysy, sondaı-aq sot úkimimen oǵan barýǵa tyıym salynǵan aımaq belgilengen. Probatsııa qyzmetkeri ınternetke shyǵyp, kompıýterdiń kómegimen ony kez kelgen ýaqytta teksere alady. Qural áreketiniń radıýsynda shekteý joq. Jobany iske asyrý osy jyly naýryzda aıaqtalady», - dep qosty ol.