QR-da Tótenshe jaǵdaılar jónindegi organdar júıesiniń, memlekettik bıýdjet qarajaty esebinen ustalatyn uıymdar qyzmetkerleriniń, memlekettik qyzmetshi emes qyzmetkerleri qazynalyq kásiporyndary qyzmetkerleriniń mamandyǵy boıynsha jumys stajyn esepteý erejesi bekitildi

Qazaqstan Respýblıkasy Tótenshe jaǵdaılar mınıstrliginiń buıryǵy
2011 jylǵy 4 sáýir, №135

Tótenshe jaǵdaılar mınıstri Vladımır Bojkonyń buıryǵymen Tótenshe jaǵdaılar jónindegi organdar júıesiniń, memlekettik bıýdjet qarajaty esebinen ustalatyn uıymdar qyzmetkerleriniń, memlekettik qyzmetshi emes qyzmetkerleri qazynalyq kásiporyndary qyzmetkerleriniń mamandyǵy boıynsha jumys stajyn esepteý erejesin bekitý týraly

Qazaqstan Respýblıkasynyń qoldanystaǵy zańnamaǵa sáıkes keltirý maqsatynda, «Normatıvtik quqyqtyq aktiler týraly» Qazaqstan Respýblıkasy Zańynyń 43-1-babyn jáne «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy №1400 qaýlysy basshylyqqa ala otyryp, buıyramyn:
1. Qosa berilip otyrǵan Tótenshe jaǵdaılar jónindegi organdar júıesiniń, memlekettik bıýdjet qarajaty esebinen ustalatyn uıymdar qyzmetkerleriniń, memlekettik qyzmetshi emes qyzmetkerleri qazynalyq kásiporyndary qyzmetkerleriniń mamandyǵy boıynsha jumys stajyn esepteý erejesi bekitilsin.
2. Qazaqstan Respýblıkasy Tótenshe jaǵdaılar mınıstrligi Kadrlyq qamtamasyz etý departamenti osy Buıryqty ádilet organdarynda memlekettik tirkeýdi qamtamasyz etsin.
3. Mınıstrliktiń ortalyq apparatynyń qurylymdyq bólimsheleri, vedomstvolary, aýmaqtyq organdary men vedomstvolyq baǵynysty uıymdarynyń basshylary osy Erejeni zerdeleýdi úıymdastyrsyn jáne kúndelikti qyzmette múltkisiz qoldanylýyn qamtamasyz etsin.
4. Mynalardyń kúshi joıyldy dep tanylsyn:
«Tótenshe jaǵdaılar jónindegi organdar júıesi memlekettik mekemeleriniń memlekettik qyzmetshi emes qyzmetkerleri úshin mamandyǵy boıynsha jumys stajyn esepteý erejesin bekitý týraly» Qazaqstan Respýblıkasynyń Tótenshe jaǵdaılar jónindegi agenttiginiń 2002 jylǵy 19 maýsymdaǵy № 468 buıryǵy (Normatıvtik quqyqtyq aktilerdi memlekettik tirkeý tiziliminde № 1912 bolyp tirkelgen, «Qazaqstan Respýblıkasy ortalyq atqarýshy jáne ózge de memlekettik organdarynyń normatıvtik quqyqtyq aktiler bıýlleteninde», 2002 j. jarııalanǵan, № 34, 674-qujat);
«Qazaqstan Respýblıkasynyń ádilet mınıstrliginde tirkelgen № 1912 Qazaqstan Respýblıkasy Tótenshe jaǵdaılar jónindegi agenttiginiń 2002 jylǵy 19 maýsymdaǵy № 468 «Memlekettik qyzmetshiler bolyp tabylmaıtyn tótenshe jaǵdaılar jónindegi organdar júıesi memlekettik mekemeleriniń qyzmetkerleri úshin mamandyǵy boıynsha jumys ótilin esepteý Erejesin bekitý týraly» buıryǵyna ózgerister engizý týraly» Qazaqstan Respýblıkasy Tótenshe jaǵdaılar jónindegi agenttigi Tóraǵasynyń 2004 jylǵy 9 qańtardaǵy № 17 buıryǵy (Normatıvtik quqyqtyq aktilerdi memlekettik tirkeý tiziliminde № 2698 bolyp tirkelgen, «Qazaqstan Respýblıkasy ortalyq atqarýshy jáne ózge de memlekettik organdarynyń normatıvtik quqyqtyq aktiler bıýlleteninde», 2004 j. jarııalanǵan, 13-16 914-qujat).
5. Osy buıryqtyń oryndalýyn baqylaý Qazaqstan Respýblıkasy Tótenshe jaǵdaılar mınıstrliginiń apparat basshysy S.Q. Okasovqa júktelsin.
6. Osy buıryq memlekettik tirkelgen kúnnen qoldanysqa enedi.

Qazaqstan Respýblıkasy Tótenshe jaǵdaılar mınıstri  V.BOJKO.
------------
Buıryq Qazaqstan Respýblıkasynyń Ádilet mınıstrliginde 2011 jylǵy 13 maýsymda Normatıvtik quqyqtyq kesimderdi memlekettik tirkeýdiń tizilimine №7005 bolyp engizildi.