QR-da strategııalyq obektige aýyrtpalyq salý ne ıelikten shyǵarý týraly ótinishterin qaraý qaǵıdalary bekitildi

Strategııalyq obektiler menshik ıeleriniń (quqyq ıelenýshilerdiń) ońaltýshy (konkýrstyq) basqarýshylardyń strategııalyq obektige aýyrtpalyq salý ne ıelikten shyǵarý týraly ótinishterin qaraý qaǵıdalaryn bekitý týraly

Qazaqstan Respýblıkasy Úkimetiniń qaýlysy №1223

 2011 jylǵy 28 qazan,   Astana, Úkimet Úıi

 «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 188-baby 4-tarmaǵyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan Strategııalyq obektiler menshik ıeleriniń (quqyq ıelenýshilerdiń) ońaltýshy (konkýrstyq) basqarýshylardyń strategııalyq obektige aýyrtpalyq salý ne ıelikten shyǵarý týraly ótinishterin qaraý qaǵıdalary bekitilsin.
2. Mynalardyń kúshi joıyldy dep tanylsyn:
1) «Strategııalyq obektini satyp alýdyń basym quqyǵyn paıdalaný erejesin bekitý týraly» Qazaqstan Respýblıkasy Úkimetiniń 2008 jylǵy 2 sáýirdegi №312 qaýlysy (Qazaqstan Respýblı­kasy­nyń PÚAJ-y, 2008 j., №19, 168-qujat);
2) «Strategııalyq obektilerge úshinshi tulǵalardyń quqyqtarymen aýyrtpalyq salý jáne olardy ıelikten shyǵarý erejesin bekitý týraly» Qazaqstan Respýblıkasy Úkimetiniń 2008 jylǵy 4 sáýirdegi №320 qaýlysy (Qazaqstan Respýblıkasynyń PÚAJ-y, 2008 j., №19, 171-qujat);
3) «Qazaqstan Respýblıkasy Úkimetiniń keıbir sheshimderine strategııalyq obektiler máseleleri boıynsha tolyqtyrýlar men ózgerister engizý týraly» Qazaqstan Respýblıkasy Úkimetiniń 2010 jylǵy 19 mamyrdaǵy №448 qaýlysynyń 1-tarmaǵynyń 2) jáne 3) tarmaqshalary (Qazaqstan Respýblıkasynyń PÚAJ-y, 2010 j., №34, 270-qujat).
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                           Qazaqstan Respýblıkasynyń  Premer-Mınıstri K.MÁSІMOV.

Qazaqstan Respýblıkasy Úkimetiniń 2011 jylǵy 23 qazandaǵy №1223 qaýlysymen bekitilgen

Strategııalyq obektiler menshik ıeleriniń (quqyq ıelenýshilerdiń), ońaltýshy (konkýrstyq) basqarýshylardyń strategııalyq obektige aýyrtpalyq salý ne ıelikten shyǵarý týraly ótinishterin qaraý qaǵıdalary
1. Jalpy erejeler
1. Osy Strategııalyq obektiler menshik ıeleriniń (quqyq ıelenýshilerdiń) ońaltýshy (konkýrs­tyq) basqarýshylardyń strategııalyq obektige aýyrtpalyq salý ne ıelikten shyǵarý týraly ótinishterin qaraý qaǵıdalary (budan ári - Qaǵıdalar) «Ulttyq qaýipsizdik týraly» Qazaqstan Respýblıkasynyń 1998 jylǵy 26 maýsymdaǵy Zańyna jáne «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańyna (budan ári - Zań) sáıkes ázirlengen jáne Strategııalyq obektilerdiń menshik ıeleriniń (quqyq ıelenýshilerdiń), ońaltýshy (konkýrstyq) basqarýshylardyń strategııalyq obektige aýyrtpalyq salý ne ıelikten shyǵarý týraly ótinishterin qaraý tártibin aıqyndaıdy.
2. Qaǵıdalarda paıdalanylatyn uǵymdar men termınder:
1) Strategııalyq obektiler jónindegi komıssııa (budan ári - Komıssııa) - Qazaqstan Respýblı­kasynyń Úkimeti janyndaǵy strategııalyq obektiler boıynsha konsýltatıvtik-keńesshi organ;
2) ýákiletti organ - memlekettik josparlaý jónindegi ortalyq memlekettik organ;
3) strategııalyq obekt ıesi - strategııalyq obektiniń menshik ıesi bolyp tabylatyn jáne osy strategııalyq obektige aýyrtpalyq salý ne ıelikten shyǵarý boıynsha mámile jasaýǵa nıettengen jeke nemese memlekettik emes zańdy tulǵa;
4) kepil ustaýshy - múddesi kepilge salynǵan múlkimen qamtamasyz etiletin tulǵa;
5) ońaltýshy basqarýshy - Qazaqstan Respýblıkasynyń bankrottyq máseleler jónindegi zańnamasynda belgilengen tártippen ońaltý rásiminiń kezeńine dármensiz boryshkerdiń múlkin jáne isterin basqarý jóninde ókilettik beriletin tulǵa;
6) konkýrstyq basqarýshy - konkýrstyq is júrgizýdi júzege asyrý úshin belgilengen tártippen taǵaıyndalǵan tulǵa.

2. Strategııalyq obektiler menshik ıeleriniń (quqyq ıelenýshilerdiń),  ońaltýshy (konkýrstyq) basqarýshylardyń strategııalyq obektige aýyrtpalyq  salý ne ıelikten shyǵarý týraly ótinishterin qaraý tártibi
3. Strategııalyq obektilerge aýyrtpalyq salýǵa ne olardy ıelikten shyǵarýǵa ruqsat alý úshin Strategııalyq obektiniń menshik ıesi (quqyq ıelenýshi), ońaltýshy (konkýrstyq) basqarýshy ne kepil ustaýshy ýákiletti organǵa osy Qaǵıdalardyń qosymshasyna sáıkes nysan boıynsha ótinishti jáne tizbesi Zańnyń 188-babynyń 1 jáne/nemese 2-tarmaǵynda kózdelgen qujattardy jiberedi.
4. Ýákiletti organ osy Qaǵıdalardyń 3-tarmaǵynda kórsetilgen qujattar túsken kúnnen bastap bes jumys kúni ishinde olardy Komıssııa músheleriniń, salalyq memlekettik organdardyń jáne ózge múddeli memlekettik organdardyń qaraýyna jiberedi.
Komıssııa músheleri usynylǵan materıaldardy on jumys kúni ishinde qaraıdy jáne Komıssııa otyrysy bolatyn kúnge deıin bes jumys kúninen keshiktirmeı usynylǵan qujattar boıynsha ýákiletti organǵa qorytyndy jiberedi.
Strategııalyq obektini ıelikten shyǵarýdyń erekshe sharttaryn jáne satyp alýshylarǵa qoıylatyn qosymsha talaptardy belgileý jónindegi usynysty salalyq memlekettik organdar jáne ózge múddeli memlekettik organdar Komıssııa otyrysy bolatyn kúnge deıin bes jumys kúninen keshiktirmeı ýákiletti organǵa usynady.
5. Komıssııa osy Qaǵıdalardyń 3-tarmaǵynda kórsetilgen qujattar túsken kúnnen bastap jıyrma jumys kúni ishinde ótinishter men ózge de materıaldardy qaraıdy, strategııalyq obektige aýyrtpalyq salý ne ony ıelikten shyǵarý máselesi boıynsha hattamamen resimdeletin tıisti usynystar men usynymdar ázirleıdi, ol Qazaqstan Respýblıkasynyń Úkimetine jiberiledi.
Hattama Qazaqstan Respýblıkasynyń Úkimeti sheshiminiń jobasyn ázirleýshi - salalyq memlekettik organdy anyqtaý jónindegi usynymdardy qamtýy tıis.
6. Qazaqstan Respýblıkasynyń Úkimeti Komıssııa usynystarynyń negizinde usynystardy alǵan sátten bastap otyz jumys kúninen aspaıtyn merzimde belgilengen tártippen strategııalyq obektilerge aýyrtpalyq salýǵa ne olardy ıelikten shyǵarýǵa ruqsat berý nemese ony berýden bas tartý týraly sheshim qabyldaıdy.
7. Strategııalyq obektilerge aýyrtpalyq salýǵa ne olardy ıelikten shyǵarýǵa berilgen ótinishterdi qaraý jáne olar boıynsha Qazaqstan Respýblıkasy Úkimetiniń sheshim qabyldaýy qujattar memlekettik jos­­parlaý jónindegi ýákiletti organǵa kelip túsken kúnnen bastap alpys jumys kúninen aspaıtyn merzimde júzege asyrylýǵa tıis. Memlekettik josparlaý jónindegi ýákiletti organ osy Qaǵıdalardyń 3-tarmaǵynda aıqyndalǵan qujattardyń tolyq paketin alǵan kún qujattardyń kelip túsken kúni bolyp esepteledi.
8. Strategııalyq obektilerge aýyrtpalyq salýǵa ruqsat berý nemese ony berýden bas tartý týraly sheshimdi Qazaqstan Respýblıkasynyń Úkimeti qabyldaıdy jáne ol qaýly túrinde resimdeledi.
9. Eger Qazaqstan Respýblıkasynyń Úkimeti strategııalyq obektini ıelikten shyǵarýdan bas tartqan jáne strategııalyq obektini satyp alýdyń basym quqyǵyn paıdalanýǵa ynta bildirgen jaǵdaıda, satyp alý Zańnyń 192-babynda kórsetilgen tártippen júrgiziledi.
10. Ýákiletti organ Qazaqstan Respýblıkasynyń Úkimeti sheshim qabyldaǵan kúninen bastap bes jumys kún ishinde Qazaqstan Respýblıkasy Úkimetiniń sheshim qabyldaǵany týraly ótinish berýshini jazbasha habardar etedi.

Qosymshasy resmı BAQ-tarda jarııalandy.