QR-da parnıktik gazdar shyǵaryndylaryn ólsheý jáne esepke alýdy standarttaý qaǵıdalary bekitildi

Qazaqstan Respýblıkasy Qorshaǵan ortany qorǵaý mınıstrliginiń buıryǵy № 144-ó

2012 jylǵy 10 mamyr,  Astana qalasy

Parnıktik gazdar shyǵaryndylaryn ólsheý jáne  esepke alýdy standarttaý  qaǵıdasyn bekitý týraly

Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń 17-shi babyna sáıkes buıyramyn:
1 Parnıktik gazdar shyǵaryndylaryn ólsheý jáne esepke alýdy standarttaý qaǵıdasy bekitilsin.
2. Tómenkómirtekti damý departamentine memlekettik tirkeýden ótkizý úshin Qazaqstan Respýblıkasynyń Ádilet mınıstrligine osy buıryqty usynýdy qamtamasyz etý jáne keıinnen resmı buqaralyq aqparat quraldary arqyly  jarııalaý.
3. Osy buıryq alǵash resmı jarııalanǵannan keıin kúntizbelik otyz kún ótken soń qoldanysqa engiziledi.
Mınıstr  N. Qapparov.

Qazaqstan Respýblıkasy Qorshaǵan ortany qorǵaý mınıstriniń
2012 jylǵy 10 mamyrdaǵy №144-ó  buıryǵymen bekitilgen

Parnıktik gazdar shyǵaryndylaryn ólsheý jáne esepke alýdy standarttaý qaǵıdalary

1. Jalpy erejeler
1. Osy Parnıktik gazdar shyǵaryndylaryn ólsheý jáne esepke alýdy standarttaý qaǵıdalary (budan ári - Qaǵıdalar) parnıktik gazdar shyǵaryndylaryn ólsheý jáne esepke alýdy standarttaý tártibin belgileıdi.
2. Osy Qaǵıdalar parnıktik gazdar shyǵaryndylaryn kvotalaý boıynsha talaptarǵa enetin, parnıktik gazdar shyǵaryndylaryn qysqartýǵa jáne sińirýge  baǵyttalǵan jobalardy júzege asyratyn nemese parnıktik gazdar shyǵaryndylaryn qysqartý boıynsha erikti baǵdarlamalardy iske asyratyn tabıǵat paıdalanýshylarmen qoldanylady.
3. Parnıktik gazdar shyǵaryndylaryn ólsheý jáne aǵyndardy ólsheý kezinde qoldanylatyn ólsheý quraldary paıdalaný sharttaryna jáne ólshem birligin qamtamasyz etý salasyndaǵy Qazaqstan Respýblıkasynyń zańnamasynyń oǵan bekitilgen talaptaryna sáıkes bolýy tıis.
4. Parnıktik gazdar shyǵaryndylaryn ólsheý jáne aǵyndardy ólsheý kezinde Qazaqstan Res­pýblıkasynda qoldanýǵa ruqsat etilgen birlikterdiń mólsherin aıqyndaý úshin ólshem quraldary qoldanylady.
5. Osy Qaǵıdalarda mynadaı termınder men anyqtamalar paıdalanylady:
1) aǵyn - otynnyń, shıkizattyń nemese ónimniń belgili bir túri, ony bir nemese birneshe qondyrǵyda paıdalaný parnıktik gazdar shyǵaryndylaryna ákelip soqtyrady;
2) aǵyndy ólsheý - arnaıy tehnıkalyq quraldar kómegimen tájirıbelik jolmen parnıktik gazdar shyǵaryndylarynyń kólemin esepteý úshin qoldanylatyn fızıkalyq shama mánin tabý;
3) parnıktik gazdar shyǵaryndylaryn esepke alý - parnıktik gazdar shyǵaryndylaryn baqylaý jáne basqarý maqsatymen kásiporyn qyzmetiniń úderisin baqylaý jáne tirkeý júıesi;
4) parnıktik gazdar shyǵaryndylaryn ólsheý - arnaıy tehnıkalyq quraldar kómegimen tájirı­belik jolmen parnıktik gazdar shyǵaryndylarynyń kólemin kórsetetin fızıkalyq shama mánin tabý;

2. Parnıktik gazdar shyǵaryndylaryn ólsheý jáne esepke alýdy standarttaý tártibi
6. Parnıktik gazdar shyǵaryndylaryn ólsheýdi standarttaý kelesi negizde júrgiziledi:
1) parnıktik gazdar shyǵaryndylary men aǵyndardyń ólshemin oryndaýdyń bekitilgen ádistemelerin qoldaný;
2) tabıǵat paıdalanýshylardyń parnıktik gazdar shyǵaryndylarynyń ólshemin oryndaýdyń ózderiniń ádistemelerin ázirleý jáne qoldaný.
7. Tikeleı jáne janama ólshemderdi oryndaýǵa arnalǵan aǵyndar men parnıktik gazdar shyǵaryndylarynyń ólshemin oryndaý ádistemeleri Qazaqstan Respýblıkasynyń qoldanystaǵy memlekettik standarttary men halyqaralyq standarttarǵa sáıkes kelýi tıis.
8. Aǵyndar men parnıktik gazdar shyǵaryndylarynyń ólshemderin oryndaýǵa tıisti ádistemeleri bolmaǵan jaǵdaıda tabıǵat paıdalanýshylar metrologııa salasyndaǵy ýákiletti organǵa ólshemdi jetispeıtin oryndaý ádistemelerin ázirleý jónindegi bastamamen júginedi nemese parnıktik gazdar shyǵaryndylarynyń ólshemin oryndaý ádistemelerin ázirleýdi óz betinshe júzege asyrady.
9. Parnıktik gazdar shyǵaryndylaryn esepke alýdy standarttaý aǵyndardy statıstıkalyq esepke alýdy standarttaý arqyly júzege asyrylady.
10. Aǵyndardy statıstıkalyq esepke alý kásiporyndardyń sharýashylyq qyzmetiniń jalpy kórinisin beıneleıdi jáne otynnyń, shıkizattyń nemese ónimniń mólsherlik jáne sapalyq kórsetkishterin zertteý úshin qoldanylady, olardy qondyrǵylarda jaǵý nemese qoldaný parnıktik gazdar shyǵaryndylaryna ákelip soqtyrady.
11. Aǵyndardy statıstıkalyq esepke alý myna negizde júzege asyrylady:
1) Qazaqstan Respýblıkasynyń memlekettik standarttaryn paıdalaný;
2) Qazaqstan Respýblıkasy Indýstrııa jáne saýda mınıstriniń 2007 jylǵy 2 qyrkúıektegi              № 256 buıryǵymen bekitilgen (№ 4949 Normatıvtik quqyqtyq aktilerdiń memlekettik tirkeý tiziliminde tirkelgen), Uıymdardyń standarttardy ázirleý, bekitý, esepke alý, ózgertý, kúshin joıý, tirkeý, belgileý, basylymǵa shyǵarý qaǵıdalaryna sáıkes uıymdardyń standarttaryn ázirleý jáne bekitý.

Buıryq Qazaqstan Respýblıkasynyń Ádilet mınıstrliginde 2012 jylǵy 12 maýsymda Normatıvtik quqyqtyq kesimderdi memlekettik tirkeýdiń tizilimine №7728 bolyp engizildi.