QR-da Memlekettik qyzmetti jetildirý máseleleri jónindegi saraptamalyq keńes quryldy
ASTANA. 5 qyrkúıek. QazAqparat - QR-da Memlekettik qyzmetti jetildirý máseleleri jónindegi saraptamalyq keńes quryldy, dep habarlady QR Memlekettik qyzmet isteri agenttiginiń baspasóz qyzmeti.
2011 jylǵy 1 qyrkúıekten bastap QR Memlekettik qyzmet isteri agenttiginiń tóraǵasy Álıhan Báımenovtiń QR Memlekettik qyzmet isteri agenttigi janynda Memlekettik qyzmetti jetildirý máseleleri jónindegi saraptamalyq keńes qurý týraly buıryǵy kúshine endi.
Bul keńes QR Memlekettik qyzmeti jańa modeliniń tujyrymdamasyn iske asyrý sheńberinde Agenttiktiń jáne QR Prezıdentiniń janyndaǵy Memlekettik basqarý akademııasynyń qyzmetin ǵylymı jáne taldamalyq súıemeldeý úshin qurylǵan. Saraptamalyq keńes Agenttik janyndaǵy konsýltatsııalyq keńesshi organ bolyp tabylady jáne óz qyzmetin qoǵamdyq bastama negizinde júzege asyrady. Keńestiń quramy memlekettik qyzmet salasyndaǵy zertteý jumystarymen aınalysatyn memlekettik organdar ókilderinen, ǵylymı-zertteý jáne ózge de uıymdar sarapshylarynan qurylady.
Saraptamalyq keńes týraly tolyq aqparat QR Memlekettik qyzmet isteri agenttiginiń www.kyzmet.kz resmı veb-saıtynda ornalasqan.
