QR-da qaza tapqan áskerılerdiń máıitin tasymaldaý, jerleý, qulpytas daıyndaý shyǵyndarynyń mólsheri belgilendi
ASTANA. 28 shilde. QazAqparat - Áskerı qyzmet ótkerý kezinde qaza tapqan nemese áskerı qyzmet mindetterin oryndaý nátıjesinde alǵan mertigýden (jaralanýdan, jaraqattanýdan, kontýzııa alýdan), aýyrýdan qaıtys bolǵan áskerı qyzmetshilerdiń,
áskerı jıyndarǵa shaqyrylǵan áskerı mindettilerdiń máıitin tasymaldaýǵa daıyndaýmen, máıitti tasymaldaýmen, jerleýmen, qulpytasyn jasaýmen jáne ornatýmen baılanysty shyǵystardy óteý mólsheri belgilendi, dep habarlady resmı BAQ.
Qazaqstan Respýblıkasy Úkimetiniń qaýlysy
2012 jyldyń 19 sáýirinen, №493 buıryq
Áskerı qyzmet ótkerý kezinde qaza tapqan nemese áskerı qyzmet mindetterin oryndaý nátıjesinde alǵan mertigýden (jaralanýdan, jaraqattanýdan, kontýzııa alýdan), aýyrýdan qaıtys bolǵan áskerı qyzmetshilerdiń, áskerı jıyndarǵa shaqyrylǵan áskerı mindettilerdiń máıitin tasymaldaýǵa daıyndaýmen, máıitti tasymaldaýmen, jerleýmen, qulpytasyn jasaýmen jáne ornatýmen baılanysty shyǵystardy óteý mólsherin belgileý týraly
«Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń 2012 jylǵy 16 aqpandaǵy Zańynyń 51-babynyń 5-tarmaǵyna sáıkes Qazaqstan Respýblıkasynyń Úkimeti qaýly etedi:
1. Áskerı qyzmet ótkerý kezinde qaza tapqan nemese áskerı qyzmet mindetterin oryndaý nátıjesinde alǵan mertigýden (jaralanýdan, jaraqattanýdan, kontýzııa alýdan), aýyrýdan qaıtys bolǵan áskerı qyzmetshilerdiń, áskerı jıyndarǵa shaqyrylǵan áskerı mindettilerdiń máıitin tasymaldaýǵa daıyndaýmen, máıitti tasymaldaýmen, jerleýmen, qulpytasyn jasaýmen jáne ornatýmen baılanysty shyǵystar aılyq eseptik kórsetkishtiń seksen eselengen mólsherinde belgilensin.
2. «Áskerı qyzmetti ótkerý kezinde qaza tapqan nemese mertigý (jaralaný, jaraqat alý, kontýzııa), aýrý saldarynan qaıtys bolǵan áskerı qyzmetshilerdiń, áskerı jıyndarǵa shaqyrylǵan áskerı mindettilerdiń máıitterin jetkizýdi ázirleýge, máıitterin jetkizýge, jerleýge, qulpytas daıyndaýǵa jáne ony ornatýǵa baılanysty shyǵystar týraly» Qazaqstan Respýblıkasy Úkimetiniń 2004 jylǵy 13 aqpandaǵy №174 qaýlysynyń (Qazaqstan Respýblıkasynyń PÚAJ-y, 2004j., № 8, 99-qujat) kúshi joıyldy dep tanylsyn.
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
