QR-da qańtar-qazan aralyǵynda tirkelgen jeńil kólikterdiń sany 10,2%-ǵa artqan

ASTANA. QazAqparat - Qazaqstanda 2017 jyldyń qańtar-qazan aralyǵynda 610 848 jeńil kólik tirkelgen. Bul 2016 jyldyń osy kezeńimen salystyrǵanda 10,2%-ǵa kóp, dep habarlaıdy «QazAqparat» HAA QR Ulttyq ekonomıka mınıstrliginiń statıstıka komıtetine silteme jasap. 

Bıyl 1 qarashada Qazaqstanda tirkelgen jeńil avtomobılder sany 3915,9 myńdy quraıdy.

Eseptik kezeńde barlyǵy 14 061 jol apaty tirkelgen. Bul ótken jylmen salystyrǵanda 4,5%-ǵa kóp. Sondaı-aq, bıyl jol oqıǵasynan 19 982 adam zardap shekken.

2017 jylǵy 1 qarashadaǵy jaǵdaı boıynsha saqtandyrý uıymdary kólik quraldary ıeleriniń azamattyq-quqyqtyq jaýapkershilikti mindetti saqtandyrý boıynsha 19,5 mlrd teńge somasyna 61977 saqtandyrý tólemi júzege asyryldy.