QR-da eń tómen kúnkóris deńgeıi jyl basynan beri 11,8% ósken
ASTANA. QazAqparat - Qazaqstanda 2018 jylǵy qazanda eń tómen kúnkóris deńgeıiniń shamasy 28 620 teńgeni qurap, ótken aıdaǵy kórsetkishten 0,2% az boldy (28 690 teńge), dep habarlaıdy QazAqparat tilshisi QR Ulttyq ekonomıka mınıstrligi Statıstıka komıtetine silteme jasap.
Negizgi tamaq ónimderin tutynýdyń eń tómengi normalarynan eseptelgen halyqtyń jan basyna shaqqandaǵy eń tómengi kúnkóris deńgeıiniń shamasy 2017 jyldyń jeltoqsan aıymen salystyrǵanda 11,8 protsentke, al ótken jyldyń qazanyna qaraǵanda 11,2 protsentke joǵarylaǵan.
Onyń quramynda et pen balyqty satyp alýǵa jumsalǵan shyǵyndar úlesi 18,7, sút, kilegeı ónimderi men jumyrtqaǵa - 14,6, jemister men kókónisterge - 12,7, nan jáne jarma ónimderine - 6,9, qant, shaı jáne dámdeýishterge 2,1 protsentti qurady.
