QR-da bolý tártibin buzǵandary úshin Gonkongtyń on azamaty jaýapqa tartyldy
ASTANA. QazAqparat - Gonkongtyń on azamaty Qazaqstan Respýblıkasynda bolý tártibin buzǵandary úshin jaýapqa tartyldy, dep habarlaıdy QR UQK ShQ baspasóz qyzmetinen.
«Atap aıtqanda, «Almaty» shekaralyq baqylaý otrıadynyń baqylaýshylary № KS 929 reısi boıynsha «Almaty-Gonkong» baǵytymen ushqaly turǵan Gonkongtyń on azamatyn ustaýǵa májbúr boldy. Teksere kelgende elderine bara jatqan azamattardyń tirkeý qujattary durys bolmaı shyqty.
Atalǵan qujat boıynsha quqyqqorǵaý organdary habarlandyryldy. Zań buzýshylar QR Ákimshilik quqyqbuzýshylyq kodeksiniń 394-babynyń 1-bóligi boıynsha ákimshilik jazaǵa tartyldy»,- dep jazylǵan habarlamada.
