QR-da birinshi synyptyqtar úshin úsh tilde oqytý bıylǵy jyldyń ózinde engiziledi
ALMATY. QazAqparat - Bıylǵy jyly Qazaqstanda birinshi synyptyqtar jańa baǵdarlama boıynsha bes kúndik oqýǵa kóshedi, bul týraly QR bilim jáne ǵylym mınıstri Erlan Saǵadıev Almatydaǵy «Ǵylym jáne bıznes» halyqaralyq forýmynyń barysynda aıtty.
«Biz bul baǵdarlamany paıdalanýǵa tıispiz. Bul mindetti baǵdarlamalardyń engizilýin baqylaýǵa múmkindiik beredi. Bıylǵy jyldyń ózinde búkil elde bastaýysh synyptardyń 73 myń pedagogteri jańa baǵdarlamalar boıynsha oqytýdy bastaıdy. Mundaı eshýaqytta bolǵan emes», - dep atap ótti QR BǴM basshysy.
Onyń aıtýynsha, bıylǵy jyly birinshi synyptyqtar jańartylǵan baǵdarlama boıynsha beskúndik bilim berý rejımine kóshedi, bastaýysh synyptardan bastap, úsh til - qazaq, orys jáne aǵylshyn tilderi birdeı oqytylady, bastaýyshta ár pánge baǵyttalǵan jańa pánder de engiziledi.
Bul baǵdarlama Nazarbaev zııatkerlik mektepterinde baıqap kórýden ótti. 2017 jyly bul baǵdarlamamen 2, 5 jáne 7 synyptar oqytylady. Jańa baǵdarlamaǵa 350 myń muǵalim men 3 mln. bala tartylady.
