QR-da bir bala men eki jas jigit sýǵa batyp ketti
ASTANA. 20 tamyz. QazAqparat - Qazaqstanda ul bala men eki jas jigit sýǵa batyp ketti, dep habarlaıdy respýblıka TJM-niń baspasóz qyzmetinen.
Jeksenbi, 19 tamyz kúni Aqtóbe oblysynda karer sýyna shomylý kezinde 12 jasar er bala sýǵa batyp ketti. Onyń denesin jaǵaǵa QR TJM Aqtóbe oblystyq TJD-niń Qarǵaly aýdandyq TJB-niń qyzmetkerleri alyp shyqty.
Atyraý oblysyndaǵy Jem ózeninde jeksenbi kúni 19 jasar jas jigit batyp ketti. Onyń denesi sýdan QR TJM Atyraý oblystyq TJD sýdan qutqarý qyzmetindegi 3 adam men 1 tehnıka birliginiń kómegimen shyǵaryldy.
Sol kúni Semeıdegi Ertis ózeninde 18 jastaǵy er jigit sýǵa batyp ketti. Onyń denesi QR TJM Shyǵys Qazaqstan oblystyq TJD-niń sýdan qutqarý qyzmetindegi 2 adam men 1 tehnıka birliginiń kúshimen shyǵaryldy.
Jeksenbi, 19 tamyz kúni senbide Aqmola oblysynyń Birsýat sý qoımasynda batyp ketken balyqshynyń múrdesi tabyldy. Ony jaǵaǵa QR TJM «Ortalyq óńirlik aeroutqyr jedel-qutqarý jasaǵy» MM-niń qyzmetkerleri alyp shyqty.
