QR-da bajsyz saýda dúkenderinde taýarlardy ótkizý qaǵıdalary bekitildi

Bul týraly resmı BAQ habarlady.

Bajsyz saýda dýkenderinde taýarlardy ótkizý qaǵıdalaryn, bajsyz saýda dúkenderi ıeleriniń tizilimine engizýdiń qosymsha sharttaryn bekitý týraly

Qazaqstan Respýblıkasy Úkimetiniń qaýlysy

2012 jylǵy 13 qańtar №40 Astana, Úkimet Úıi

 «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 54-babynyń 5) tarmaqshasyna, 409-babynyń 1-tarmaǵyna sáıkes Qazaqstan Respýblıkasynyń Úkimeti kaýly etedi:

1.   Qosa berilip otyrǵan:

1)   Bajsyz saýda dúkenderinde taýarlardy ótkizý qaǵıdalary;

2)    Bajsyz saýda dúkenderi ıeleriniń tizilimine engizýdiń qosymsha sharttary bekitilsin.

2.   Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

                                                                     Qazaqstan Respýblıkasynyń Premer-Mınıstri K.MÁSІMOV.

 Bajsyz saýda dúkenderinde taýarlardy ótkizý qaǵıdalary

1.Osy Qaǵıdalar bajsyz saýdanyń kedendik rásimine ornalastyrylǵan taýarlardy sheteldik dıplomatııalyq ókildikterge, halyqaralyq uıymdardyń olarǵa teńestirilgen ókildikterine, konsýldyq mekemelerge, sondaı-aq dıplomatııalyq agentterge, konsýldyq laýazymdy adamdarǵa jáne olarmen birge turatyn otbasy múshelerine ótkizý tártibin anyqtaıdy.

2.Qazaqstan Respýblıkasynyń zańnamasyna sáıkes bajsyz saýda dúkenderinde taýarlar bólshek saýdada ótkiziledi.

3.Astanada taýarlardy ótkizý sheteldik dıplomatııalyq ókildikterge, halyqaralyq uıymdardyń olarǵa tenestirilgen ókildikterine, konsýldyq mekemelerge, sondaı-aq dıplomatııalyq agentterge, konsýldyq laýazymdy adamdarǵa jáne olarmen birge turatyn otbasy múshelerine, mundaı tulǵanyń Qazaqstan Respýblıkasy zańnamasyna sáıkes Qazaqstan Respýblıkasy Syrtqy ister mınıstrliginde akkredıttelgenin rastaıtyn qujatty usynǵan kezde jáne Qazaqstan Respýblıkasy Syrtky ister mınıstrliginiń usynǵan taratýǵa shek qoıylǵan qyzmettik aqparatynda taýarlardy ótkizý kezinde osy tulǵa týraly derekter bolǵan jaǵdaıda júzege asyrylady.

4. Bajsyz saýda dúkenderinde taýarlardy ótkizý Qazaqstan Respýblıkasynyń salyq zańnamasyna sáıkes baqylaý-kassa mashınalaryn mindetgi túrde qoldana otyryp, sondaı-aq salyq zańnamasynyń shot-faktýrany jazý jáne ony taýarlardy satyp alýshyǵa berý boıynsha talaptaryn saqtaı otyryp júzege asyrylady.

5.Satyp alýshyǵa beriletin baqylaý-kassa mashınasynyń chegi nemese taýarǵa, jumysqa, kórsetilgen qyzmetke tólengen somaǵa taýarlyq chek (saýda avtomattarynda qoldanylatyn baqylaý-kassa mashınalaryn qospaǵanda) taýardy satý faktisin rastaıtyn qujat bolyp tabylady. Mundaı qujattardyń kóshirmesi bajsyz saýda dúkenderinde saqtalady.

 
Qazaqstan Respýblıksy Úkimetiniń 2012 jylgy 13 qańtardaǵy №40 qaýlysymen bekitilgen

Bajsyz saýda dúkenderi ıeleriniń tizilimine engizýdin kosymsha sharttary

Osy qosymsha sharttar «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń (budan ári - Kodeks) 54-babynyń 5) tarmaqshasyna sáıkes ázirlendi jáne bajsyz saýda dúkenderi ıeleriniń tizilimine engizýdiń qosymsha sharttaryn belgileıdi.

Kodekstiń 409-baby 1-tarmaǵynyń 2) tarmaqshasynda kózdelgen bajsyz saýda dúkenderi ıeleriniń tizilimine engizýdiń qosymsha sharttary mynalar bolyp tabylady:

1) Qazaqstan Respýblıkasynyń zańnamasynda belgilengen talaptarǵa sáıkes Qazaqstan Respýblıkasy Syrtqy ister mınıstrliginde tulǵanyń akkredıtatsııalanǵanyn rastaıtyn qujatgy skanerleý úshin qurylǵynyń bolýy;

2) Bajsyz saýda dúkeniniń aýmaǵyna jeke tulǵalardyń kirýine baqylaý-ótkizý rejıminiń bolýy;

3) Qazaqstan Respýblıkasy Syrtky ister mınıstrliginiń taratylýy shekteýli qyzmettik aqparatyn paıdalana otyryp, jumys júrgizýge Qazaqstan Respýblıkasy Syrtqy ister mınıstrliginiń ruksatynyń bolýy;

4) Bajsyz saýda dúkeni aýmaǵynda sońǵy kúntizbelik otyz kún ishinde bolǵan okıǵalar týraly beıne aqparattardy karaýdy júzege asyrýǵa múmkindik beretin, táýlik boıǵy rejımde jumys isteıtin beıne baqylaý kuraldarymen jabdyqtalǵan adamdardyń aýmakqa jáne (nemese) úı-jaılarǵa (kedendik baqylaýǵa jatatyn kujattar, taýarlar turǵan) kirýin jáne aýmaqtan jáne (nemese) úı-jaılardan shyǵýn baqylaý júıesiniń bolýy.

Qazaqstan Respýblıkasy Syrtqy ister mınıstrliginiń taratylýy shekteýli aqparatyna qol jetkizý Qazaqstan Respýblıkasynyń Syrtqy ister mınıstrligi belgilegen tártippen júzege asyrylady.