QR-da balyqty elektr togymen jaraqattaıtyn qarmaqtardyń satylymyna tyıym salyndy
ATYRAÝ. QazAqparat - Atyraý oblystyq mamandandyrylǵan tabıǵatty qorǵaý prokýratýrasynyń talaby boıynsha, Internette Qazaqstanda tyıym salynǵan elektrli qarmaqtardy satyp alý usynylatyn saıttar buǵattaldy.
«Atyraý oblystyq mamandandyrylǵan tabıǵatty qorǵaý prokýratýrasynyń aryzy boıynsha, №2-qalalyq soty avito.kz, temirtau.kar.diego.kz, market.kz Internet-saıttarynda satylatyn ónimdi zańsyz dep taný sheshimin shyǵardy. Bul - sýǵa elektr qýatyn jiberý arqyly balyq aýlaýǵa arnalǵan qurylǵy. Mundaı «elektrli qarmaqtardyń» satylymyna Qazaqstan Respýblıkasynyń aýmaǵynda tyıym salyndy», - dep habarlady prokýratýradan.
