QR-da balyq sharýashylyǵy sý toǵandarynda balyq jáne basqa sý janýarlaryn aýlaýdyń 2012 jylǵa arnalǵan lımıtteri bekitildi
ASTANA. 28 qańtar. QazAqparat - QR Premer-Mınıstri Kárim Másimov «Balyq sharýashylyǵy sý toǵandarynda balyq jáne basqa sý janýarlaryn aýlaýdyń 2012 jylǵa arnalǵan lımıtterin bekitý týraly» 2012 jylǵy 16 qańtardaǵy №67 Úkimet qaýlysyna qol qoıdy, dep habarlady resmı BAQ.
Qazaqstan Respýblıkasy Úkimetiniń qaýlysy
2012 jylǵy 16 qańtar №67 Astana, Úkimet Úıi
«Balyq sharýashylyǵy sý toǵandarynda balyq jáne basqa sý janýarlaryn aýlaýdyń 2012 jylǵa arnalǵan lımıtterin bekitý týraly»
«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan balyq sharýashylyǵy sý toǵandarynda balyq jáne basqa sý janýarlaryn aýlaýdyń 2012 jylǵa arnalǵan lımıtteri bekitilsin.
2. Qazaqstan Respýblıkasy Aýyl sharýashylyǵy mınıstrliginiń Balyq sharýashylyǵy komıteti Qazaqstan Respýblıkasynyń zańnamasynda belgilengen tártippen balyq sharýashylyǵy sý toǵandarynda balyq jáne basqa sý janýarlaryn aýlaýdyń 2012 jylǵa arnalǵan kvotalaryn bekitilgen lımıtter negizinde sharýashylyq júrgizýshi sýbektiler arasynda bólýdi qamtamasyz etsin.
3. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV.
Balyq sharýashylyǵy sý toǵandarynda balyq jáne basqa sý janýarlaryn aýlaýdyń 2012 jylǵa arnalǵan lımıtteri respýblıkalyq BAQ-ta jarııalandy.
