QR-da Avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalynyń nysany jáne ony júrgizý qaǵıdalary bekitildi

Qazaqstan Respýblıkasy Úkimetiniń 2011 jylǵy 30 jeltoqsandaǵy №1710 qaýlysy

Avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalynyń nysanyn jáne ony júrgizý qaǵıdalaryn bekitý týraly

«Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń 2011 jylǵy 20 shildedegi Zańynyń 6-babynyń 12) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan:
1) Avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalyn júrgizý qaǵıdalary;
2) avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalynyń nysany bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri K.MÁSІMOV.

Qazaqstan Respýblıkasy Úkimetiniń
2011 jylǵy 30 jeltoqsandaǵy №1710 qaýlysymen bekitilgen

Avtojanarmaı quıý stantsııasyndaǵy munaı ónimderiniń qozǵalysyn
esepke alý jýrnalyn júrgizý qaǵıdalary

1. Jalpy erejeler
1. Avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalyn júrgizý qaǵıdalary (budan ári - Qaǵıdalar) «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Qazaqstan Respýblıkasynyń 2011 jylǵy 20 shildedegi Zańynyń 6-babynyń 12) tarmaqshasyna sáıkes ázirlengen.
2. Qaǵıdalar avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalyn júrgizý tártibin aıqyndaıdy, ony munaı ónimderin bólshek saýdada satýdy júzege asyratyn jeke nemese zańdy túlǵalar resimdeıdi jáne avtojanarmaı quıý stantsııalaryndaǵy munaı ónimderiniń qozǵalysy týraly málimetter kórsetiledi.
2. Avtojanarmaı quıý stantsııasyndaǵy munaı ónimderiniń qozǵalysyn
esepke alý jýrnalyn resimdeý jáne toltyrý tártibi
3. Avtojanarmaı quıý stantsııalaryndaǵy munaı ónimderin bólshek saýdada satýdy júzege asyratyn jeke nemese zańdy tulǵalar munaı ónimderin bólshek saýdada satý jónindegi operatsııalardy júrgizgen kezde mindetti túrde osy qaýlymen bekitilgen nysan boıynsha avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalyn toltyrady.
4. Avtojanarmaı quıý stantsııasyndaǵy munaı ónimderiniń qozǵalysyn esepke alý jýrnaly nómirlenedi, tigiledi jáne jeke nemese zańdy tulǵanyń qolymen jáne mórimen (bar bolǵan kezde) kýálandyrylady jáne atalǵan jýrnaldy júrgizýge taǵaıyndalǵan jaýapty tulǵa qol qoıady.
1-baǵanda munaı ónimderin satyp alý (ornyn aýystyrý) nemese ótkizý jasalǵan kúni, aıy kórsetiledi.
2-baǵanda munaı óniminiń kody - derbes sáıkestendirý nómiri kórsetiledi.
3-baǵanda jumys kúni basyndaǵy jeke nemese zańdy tulǵada bar munaı ónimderiniń qaldyǵy (mólsheri) (tonnamen, kılogrammen) kórsetiledi. Táýlik boıy jumys isteý rejıminde - aýysymnyń basynda.
Bul kórsetkish aldyńǵy jumys kúniniń nemese aýysymnyń sońyndaǵy qaldyqtardan kóshiriledi.
Avtojanarmaı quıý stantsııalarynan munaı ónimderin bólshek saýdada satý boıynsha qyzmetin alǵash bastaǵan jeke nemese zańdy tulǵalar osy baǵandy toltyrǵan kezde munaı ónimderiniń nóldik qaldyǵyn kórsetedi (qyzmetin bastaǵan kúnine);
4-baǵanda munaı ónimderiniń satyp alynǵan (munaı ónimderi bazasy nemese rezervýarlardan aýystyrylǵan) mólsheri (tonnamen, kılogrammen) kórsetiledi;
5-baǵanda munaı ónimderiniń otyn-úlestirý kolonkalary arqyly satylǵan mólsheri (tonnamen, kılogrammen) kórsetiledi.
6-baǵanda jumys kúniniń sońyna jeke jáne zańdy tulǵalarda bar munaı ónimderiniń qaldyǵy (mól­sheri) kórsetiledi (tonnamen, kılogrammen). Táýlik boıy jumys rejıminde - aýysymnyń sońynda.
7-baǵanda munaı ónimderin jetkizýshiniń ataýy kórsetiledi.
8-baǵanda munaı ónimderin jetkizýshi salyq tóleýshiniń tirkeý nómiri (budan ári - STN) kórsetiledi (jeke sáıkestendirý nómirine (budan ári - JSN) jáne bıznes sáıkestendirý nómirine (budan ári - BSN) tolyq aýysqanǵa deıin) jáne bolǵan jaǵdaıda JSN/BSN kórsetiledi.
9-baǵanda munaı ónimderine ilespe júk qujatynyń nómiri kórsetiledi.
10-baǵanda munaı ónimderine ilespe júk qujatynyń kúni (kúni, aıy jáne jyly) kórsetiledi.
11-baǵanda ilespe júkqujatyna sáıkes satyp alynǵan (munaı ónimderi bazasynan nemese rezervýarlardan aýystyrylǵan) munaı ónimderiniń mólsheri (tonnamen, kılogrammen) kórsetiledi.
12-baǵanda kórsetilgen jýrnaldy júrgizýge jaýapty tulǵanyń T.A.Á. kórsetiledi, qoly qoıylady.
5. Turaqty jáne konteıner túrindegi avtojanarmaı quıý stantsııalarynan, sondaı-aq jyljymaly túrde avtojanarmaı quıý stantsııalarynan munaı ónimderin bólshek saýdada satýdy júzege asyratyn jeke nemese zańdy tulǵalar munaı ónimderin bólshek saýdada satý jónindegi operatsııalardy júrgizgen kezde avtojanarmaı quıý stantsııasyndaǵy munaı ónimderiniń qozǵalysyn esepke alý jýrnalyn toltyrýmen bir mezgilde turaqty jáne konteıner túrindegi avtojanarmaı quıý stantsııalarynda otyn-úlestirý kolonkalarynyń esepteýishteriniń kórsetkishteri boıynsha munaı ónimderiniń qozǵalysyn esepke alý jýrnalyna qosymshany toltyrady.
Turaqty jáne konteıner túrindegi avtojanarmaı quıý stantsııalarynda otyn-úlestirý kolonkalarynyń esepteýishteriniń kórsetkishteri boıynsha munaı ónimderiniń qozǵalysyn esepke alý jýrnalyna qosymshany toltyrý tártibi
1-baǵanda otyn-úlestirý kolonkalary arqyly munaı ónimderin satyp alý (ornyn aýystyrý) nemese satý júzege asyrylǵan kún jáne aı kórsetiledi.
2-baǵanda munaı ónimderiniń túrleri kórsetiledi.
3 jáne 4-baǵandarda jumys kúni basyna otyn-úlestirý kolonkalaryn esepteýishteriniń kórsetkishteri kórsetiledi. Táýlik boıy jumys rejıminde -aýysymnyń basyna.
Atalǵan kórsetkishter jeke nemese zańdy tulǵalardaǵy otyn-úlestirý kolonkalarynyń sanyna baılanysty kórsetiledi, qajet bolǵan jaǵdaıda atalǵan baǵandar kóbeıedi (azaıady);
5 jáne 6-baǵandarda jumys kúni sońynda otyn-úlestirý kolonkalary esepteýishteriniń kórsetkishteri kórsetiledi. Táýlik boıy jumys rejıminde - aýysymnyń sońyna.
Bul kórsetkishter jeke nemese zańdy tulǵalardaǵy otyn-úlestirý kolonkalarynyń sanyna baılanysty kórsetiledi, qajet bolǵan jaǵdaıda bul baǵandar kóbeıedi (azaıady).
7 jáne 8-baǵandarda jumys kúni (aýysym) ishinde otyn-úlestirý kolonkalarynyń esepteýishteri arqyly satylǵan munaı ónimderiniń mólsheri kórsetiledi.
9-baǵanda kórsetilgen jýrnaldy júrgizýge jaýapty tulǵanyń T.A.Á. kórsetiledi, qoly qoıylady.

Maquldanǵan qujattyń mátini respýblıkalyq BAQ-da jarııalandy.