QR-da apta ishinde ıis tıip ýlanǵan 13 jaǵdaı tirkeldi
ASTANA. QazAqparat - 10-17 qazan aralyǵynda respýblıkada ıis tıip ýlanǵan 13 jaǵdaı oryn aldy. Bul rette 2 adam qaza tapty, 24 adam aýrýhanaǵa jetkizildi, dep habarlady QR TJK resmı ókili Rýslan Imanqulov.
Shyǵys Qazaqstan oblysy: 10 qazanda 23.04-te Óskemen qalasynda jekemenshik turǵyn úıde qatty otynmen jylytylatyn peshtiń aqaýy saldarynan 1966 jyly týǵan azamatsha aýrýhanaǵa jatqyzyldy.
Almaty oblysy: 11 qazanda saǵat 08.53-te Eskeldi aýdany, Qarabulaq kentindegi jeke úıde qatty otynmen janatyn peshten aqaý shyǵyp, 1971 j., 1975 j., 1992 j., 2002 jyldary týylǵan otbasy músheleri ıis tıip, aýrýhanaǵa jatqyzyldy.
Shyǵys Qazaqstan oblysy: 11 qazanda saǵat 12.47-de Ulan aýdany Q. Qaısenov atyndaǵy kent, «Edelveıs» selosynda saıajaıdaǵy úıde qatty otynmen janatyn peshten aqaý shyǵyp, 2016 jáne 2014 jyly týǵan eki bala tútinge ýlanyp, aýrýhanaǵa jatqyzyldy.
Astana qalasy: 11 qazanda saǵat 17.25-te Saryarqa aýdanynda jekemenshik úıde qatty otynmen janatyn peshten aqaý shyǵyp, 1952 jyly týǵan azamatsha ıis tıip, aýrýhanaǵa jatqyzyldy.
Shyǵys Qazaqstan oblysy: 13 qazanda saǵat 13.26-da Óskemen qalasynda jekemenshik úıde qatty otynmen janatyn peshten aqaý shyǵyp, 1986, 1975, 1977 jyldary týylǵan otbasy músheleri ıis tıip ýlanyp, aýrýhanaǵa jetkizildi.
SQO: 13 qazanda saǵat 16.15-te Ǵ. Músirepov aýdany, Chıstopole aýylynda jekemenshik úıde qatty otynmen janatyn peshten aqaý shyǵyp, 1982 jyly týǵan azamatsha ıis tıip, aýrýhanaǵa jetkizildi.
Almaty oblysy: 14 qazanda saǵat 00.40-ta Іle aýdany, QazTsık aýylynda qatty otynmen janatyn peshten aqaý shyǵyp, 2011 jyly týǵan bala jáne 1977 jylǵy otbasy múshesine ıis tıip, aýrýhanaǵa jatqyzyldy.
Qyzylorda oblysy: 14 qazanda saǵat 09.20-da Qyzylorda qalasy, Sabalaq baqsha qoǵamynda qatty otynmen janatyn peshten aqaý shyǵyp, 2015, 2011 jyly týǵan balalar tútinnen ýlanyp, aýrýhanaǵa jetkizildi.
Jambyl oblysy: 14 qazanda saǵat 15.55-te Qordaı aýdany, Qodaı aýylynda jekemenshik úıde tabıǵı gazben janatyn peshten aqaý shyǵyp, 1935, 1951 jyldary týylǵan azamattar oqıǵa ornynda kóz jumdy.
ShQO: 14 qazanda saǵat 18.20-da Semeı qalasynda Bókenshi selosynda jekemenshik úıde qatty otynmen janatyn peshten aqaý shyǵyp, 1948, 1949 jyldary týǵan azamattar ıis tıip ýlanyp, aýrýhanaǵa jetkizildi.
ShQO: 15 qazanda 05.35-te Óskemen qalasynda jekemenshik úıde qatty otynmen janatyn peshten aqaý shyǵyp, 1958 jyly týǵan azamatshaǵa ıis tıip, aýrýhanaǵa jatqyzyldy.
Jambyl oblysy: 15 qazanda saǵat 09.50-de Qordaı aýdany, Qordaı aýylynda jekemenshik úıde qatty otynmen janatyn peshten aqaý shyǵyp, 1991, 2008, 2009, 2014 jyldary týǵan otbasy músheleri tútinnen ýlanyp, aýrýhanaǵa jatqyzyldy.
ShQO: 16 qazanda saǵat 09.32-de Glýbokovskoe aýdany Stepnoe selosynda «Naýka» baqsha qoǵamynda saıajaıdaǵy úıde qatty otynmen janatyn peshten aqaý shyǵyp, 1973 jyly týǵan azamatsha ıis tıip, aýrýhanaǵa jetkizildi.
Tehnıkalyq ilgerileýge qaramastan, álemde ıis tıip ýlaný problemasy ózektiligin joǵaltatyn emes, dep atap ótedi TJK. Qaýipti gazdyń ıisi men túsiniń bolmaýyn, ólimge ákep soqqan jaǵdaıdyń joǵary paıyzyn eskersek, ıis tıip ýlanǵan kezde alǵashqy kómek kórsetý daǵdylaryn ıgerý qajettigi týyndaıdy. Peshte ot jaǵý kezine turbanyń tazalyǵyn tekserip, úıdi jeldetip nemese jeldetkishti qoldaný qajet.
