QR-da adam quqyǵyn qorǵaý salasynda yntymaqtastyqty jalǵastyrý qajet - Astanadaǵy EQYU sarapshylarymen kezdesý

ASTANA. 30 sáýir. QazAqparat - Búgin Adam quqyǵy jónindegi ulttyq ortalyqtyń basshysy Vıacheslav Kalıýjnyı EQYU Hatshylyǵy ishki aýdıt departamenti sarapshylarymen kezdesti.

EQYU hatshylyǵynyń ókilderi qazirgi ýaqytta Astanadaǵy EQYU ortalyǵynyń qyzmetin, sonyń ishinde ulttyq quqyq qorǵaý ınstıtýtymen yntymaqtastyq aıasyndaǵy qyzmetin baǵalaýdy júzege asyrýda.

V. Kalıýjnyı QR Adam quqyǵy jónindegi ýákili, Adam quqyǵy jónindegi danııalyq ınstıtýt jáne Astana qalasyndaǵy EQYU ortalyǵy arasyndaǵy yntymaqtastyqta iske asyrylǵan «Qazaqstan Respýblıkasyndaǵy adam quqyǵy jónindegi ýákildi (ombýdsmendi) qoldaý» atty úshjaqty jobasy sheńberinde birlese ótkizilgen is-sharalar, sondaı-aq, QR Adam quqyǵy jónindegi ýákil mekemesin damytýdyń keleshegi týraly áńgimelep berdi.

Kezdesý qorytyndysy boıynsha, taraptar bizdiń elde adam quqyǵyn qorǵaý salasynda ári qaraı yntymaqtastyqty jalǵastyrý qajettigine toqtalyp ótti.