QR-da 9,4 mln gektar jerge astyq egildi - AShM
Málim bolǵandaı, issapar Aqmola oblysynda ornalasqan «Eńbek» JShS-niń alqaptaryn aralaýdan bastaldy.
«Respýblıkadaǵy kóktemgi egis aýmaǵy 18,4 mln.ga deńgeıde boljanýda. Aǵymdaǵy jyldyń 26 mamyrdaǵy jaǵdaı boıynsha respýblıkada dándi daqyldar 9,4 mln. ga, maıly daqyldar - 1,6 mln. ga, kópjyldyq ósimdikter - 261 myń. ga, kókónis-baqsha daqyldary - 200,6 myń.ga, kartop - 166,8 myń. ga, qant qyzylshasy - 10,9 myń.ga jáne maqta ósimdigi - 105 myń. ga alqapta egildi», - delingen agrarlyq vedomstvonyń habarlamasynda.
QR AShM málimetinshe, kóktemgi egis jumystaryn júrgizýdi qarjylandyrýǵa ekinshi deńgeıli bankter men «Kazagro» holdınginiń enshiles uıymdary arqyly 60 mlrd. teńge bıýdjettik nesıe bólindi. Osy jyldyń 20 mamyryna deıin «Agrarlyq nesıe korporatsııasy» AQ arqyly 36 mlrd. teńge, «Azyq-túlik kelisim shart» AQ arqyly forvardtyq astyq satyp alýǵa - 9,8 mlrd. teńge jáne EDB arqyly - 1,4 mlrd.teńge kóleminde qarjylandyrý iske asyryldy.
Mınıstrdiń jumys sapary Soltústik Qazaqstan oblysynyń «Peterfeld Agro» ı KT «Zenchenko ı K» sharýashylyqtaryn aralaýmen jalǵasty.
AÓK Memlekettik ınspektsııasy komıtetiniń málimetine saı SQO qoldaǵy bas astyqtyń kólemi 2022,9 myń tonnany quraıdy. Lıtsenzııalanǵan astyq saqtaý qoımalarynda 753,9 myń tonna, aýyl sharýashylyǵy taýar óndirýshilerinde 1261,36 myń tonna, dıirmen zaýyttarynda 7 myń tonnadan asa astyq bar.
Jer reformasyna qatysty suraqtardy túsindirý úshin mınıstr oblystyń Qoǵamdyq keńes ókilderimen kezdesti. Mınıstr arnaıy qurylǵan respýblıkalyq jumys komıssııasymen ázirlengen usynystardy buqara arasynda jan-jaqty túsindirýdiń mańyzdylyǵyn atap ótti.
«Іssapardyń ekinshi kúni Qostanaı oblysynyń aýyl sharýashylyǵy alqaptaryn aralaýmen jalǵasty. Aımaqta egis naýqany júrip jatyr. Osy jyly óńirde aýyl sharýashylyǵy daqyldary 5155,4 myń.gektar, onyń ishinde dándi jáne dándi-burshaqty daqyldar 4107 myń. ga jerdi qamtydy. Sonymen qatar, jergilikti atqarýshy organdarmen 2016 jyly mıneraldy tyńaıtqyshtardyń baǵasyn arzandatýǵa 14,5 mlrd.teńge qarastyrylǵan bolsa, al Qostanaı oblysymen atalmysh baǵytqa 4 mlrd.teńge bólingen», - delingen habarlamada.