QR-da 2014 jyly ımport úlesi tómendeıdi - Statıstıka agenttigi
ASTANA. QazAqparat - Qazaqstanda valıýta aıyrbastaý baǵamyn túzetý saldarynan ımport úlesi tómendeıdi, dep habarlady búgin QR Statıstıka agenttiginiń tóraǵasy Álıhan Smaıylov OKQ brıfınginde. Bul týraly primeminister.kz saıtynda habarlandy.
«Bizdiń esebimiz boıynsha ishki naryqtaǵy ımporttyń úlesi ótken jyldyń qorytyndysy boıynsha 37% quraıdy. Al bul úles bıylǵy baǵam ózgerýine oraı tómendeıtin bolady», - dedi Á. Smaıylov.
Onyń aıtýynsha, Úkimettiń jergilikti atqarýshy organdarmen jáne Ulttyq bankpen qoldanatyn sharalary ınflıatsııa deńgeıin 6-8% sheginde ustap turýǵa múmkindik beredi.
«Turaqtandyrma qorlarynyń jumysyn jandandyrý boıynsha tapsyrmalar jergilikti atqarýshy organdarǵa berildi. Sondaı-aq janar-jaǵarmaı materıaldarynyń baǵalaryn baqylaý kúsheıtildi. Budan ózge, ekonomıkalyq saıasat boıynsha Keńes ótken jyldar deńgeıinde 1,2 paıyzdyq pýnkt sheginde TKSh rettelmeli qyzmetterdiń salymy boıynsha shekti bekitti», - dep basyp aıtty ol.
