QR Tsıfrlyq damý mınıstrliginiń ókilderi ekologııalyq aktsııaǵa qatysty
Baspasóz málimetterine qaraǵanda, mınıstrliktiń, sondaı-aq vedomstvoǵa baǵynysty jáne salalyq uıymdardyń 12 myńǵa jýyq qyzmetkeri bir mezgilde barlyq oblys jáne aýdan ortalyqtary, megapolıster men shaǵyn qalalardaǵy ózen-kól jaǵalaýlaryn, saıabaq aýmaqtaryn qoqystan tazartýǵa atsalysty.
Elimizdiń 14 oblysy, 3 megapolısi jáne shaǵyn qalalary men aýdan ortalyqtarynda jalǵasyn tapqan «Birge-taza Qazaqstan» jalpyrespýblıkalyq ekologııalyq chellendjge baılanysshylar men poshta qyzmetkerleri, aqparattyq qaýipsizdik jáne ınnovatsııa salasynyń mamandary, HQO qyzmetkerleri, aeroǵarysh salasynyń ókilderi men geodezııa jáne kartografııa salasyndaǵy sarapshylar qatysty.
Bıylǵy shilde aıynda bastalǵan elimizdiń ekologııalyq ahýalyn jaqsartýǵa baǵyttalǵan aktsııa azamattar men el basshylyǵy, túrli uıymdar men mekemeler jáne birlestikter arasynda keńinen qoldaý tapqanyn aıtyp ótken jón.
Aktsııaǵa qatysýshylar aldynda sóz sóılegen QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev ekoaktsııa qazaqstandyqtardyń ekologııalyq mádenıetin arttyrý turǵysynan da mańyzdy mánge ıe ekenin atap ótti.
«Shashylyp jatqan qoqystardyń negizgi bóligi plastık buıymdar men polıetılen paketter ekenin kórip turmyz. Men plastıkti turmysta paıdalanýdan bas tartý qajet degen pikirdemin. Jáne olardy qaıta óńdeý isin belsendi túrde qolǵa alý kerek. Álemde mundaı mehanızmder tabysty jumys isteýde. Áriptester, sizderdi elimizdiń ekologııasyn jaqsartýǵa úles qosýǵa shaqyramyn, eń bolmaǵanda bir rettik plastık buıymdardy múmkindiginshe az paıdalanyńyzdar. Óıtkeni bizdiń ortaq maqsatymyz – »Taza Qazaqstan«,-dedi Asqar Jumaǵalıev.
Ekologııalyq aktsııaǵa Mınıstrliktiń ortalyq apparatynyń, sondaı-aq onyń vedomstvolyq baǵynysty jáne salalyq uıymdarynyń: «Azamattarǵa arnalǵan úkimet» KEAQ, «Zerde»UIKH» AQ, Astana Hub, «UAT» AQ, «RǴBO» AQ, «MRQ» RMK, «Qazaqstan Ǵarysh sapary» AQ, «Qazgeodezııa» AQ, «Ulttyq kartografııalyq-geodezııalyq qor» RMQK, «Qazpochta» AQ, «Qazaqtelekom» AQ, «Qazteleradıo» AQ jáne t. b. mekemelerdiń qyzmetkerleri qatysty
