QR chempıonaty: «Qaırat» kósh basyna shyqty
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń úshinshi týrynyń úsh oıyny máresine jetti, dep habarlaıdy QazAqparat tilshisi.
Alǵashqy oıyn Almatyda jergilikti «Qaırat» pen Taldyqorǵannyń «Jetisý» komandalary arasynda boldy. Bul kezdesýde alań ıeleri qarsylastar qaqpasyna jaýapsyz úsh gol soqty. Oıynnyń 11-mınýtynda Kamo Oganesıan «Qaıratty» alǵa shyǵarsa, 56-mınýtta Konrad Vjeşınskıı esepti ústemeleı tústi. Al 90-mınýtta Artýr Shýshenachev qorytyndy esepti belgiledi. Osylaısha «Qaırat» qarsylasynan 3:0 esebimen basym tústi. Týrnır kestesinde kósh basyna shyqty.
Petropavlda «Qyzyljar» Kókshetaýdyń «Oqjetpes» klýbymen kezdesti. Oıyn barysynda kókshetaýlyq fýtbolshylar sapynan Jasulan Moldaqaraev 28-mınýtta esep ashty. Odan keıingi úsh goldy alań ıeleri soqty. Aldymen Gabrel Enake tarazy basyn teńestirdi. Al 76-mınýtta kókshetaýlyq Plamen Dımov óz qaqpasyna gol soǵyp alsa, 87-mınýtta Tımýr Mýldınov gol soqty. «Qyzyljar» jeńiske jetip, týrnır kestesindegi jaǵdaıyn jaqsarta tústi.
Al Qostanaıda jergilikti «Tobyl» Aqtaýdyń «Kaspııin» 2:0 esebimen tize búktirdi. Oıynnyń 84-mınýtynda Azat Nurǵalıev, 89-mınýtynda Oralhan Ómirtaev qanjyǵasyn maılady.
Qazir Qyzylordada «Qaısar» men «Taraz», Shymkentte «Ordabasy» men Qaraǵandynyń «Shahteri» kezdesýde.
Búgin fýtboldan Qazaqstan chempıonaty qaıta jalǵasatynyn buǵan deıin habarlaǵan bolatynbyz.
