QR Boks federatsııasynyń prezıdenti uıymnyń óńirlik fılıaldarynyń jumysyn synǵa aldy

«Respýblıkalyq deńgeıde jumys jaman atqarylǵan joq, ony halyqaralyq jarystar nátıjesi kórsetip otyr. Degenmen bizdiń federatsııanyń ishki Kýbok jarystary jekelegen oblystyq fılıaldardyń jumystarynan birqatar kemshilikterdi anyqtady», - dedi ol búgin Qazaqstan Boks federatsııasy» qaýymdastyq úlgisindegi zańdy tulǵalar uıymy Atqarýshy komıtetiniń otyrysynda.

Onyń atap ótýinshe, qazirgi ýaqytta federatsııa tarapynan berilgen materıaldyq- tehnıkalyq bazany nyǵaıtý jónindegi tapsyrmalar birqatar óńirlerde oryndalmaǵan. Bundaı jaǵdaı Shyǵys Qazaqstan oblysy men Almaty qalasyna tán bolyp otyr.

Almaty men Taraz qalalarynda, Soltústik Qazaqstan, Batys Qazaqstan, Atyraý, Aqtóbe oblystarynda mamandandyrylǵan boks zaldary qurylmaǵan. Sonymen qatar jattyqtyrýshylardyń biliktiligin arttyrý máselesi de kózdelmegen.