QR Boks federatsııasynyń prezıdenti T.Qulybaev G. Golovkındi jeńisimen quttyqtady
ASTANA. QazAqparat - Búgin AQSh-ta Kalıfornııa shtatynyń Karson qalasynda WBA (Super) jáne ІVO nusqalary boıynsha orta salmaqtaǵy álem chempıony, 32 jastaǵy qazaqstandyq boksshy Gennadıı Golovkın meksıkalyq Marko Antonıo Rýbıomen kezdesip, ekinshi raýndta qarsylasyn nokaýtqa jibergen bolatyn.
Bul G.Golovkınniń kásibı rıngtegi 31-shi jeńisi, onyń 28-in boksshy nokaýtpen aıaqtady. Osyǵan baılanysty Qazaqstan Boks federatsııasynyń prezıdenti Tımýr Qulybaev Gennadıı Golovkındi quttyqtady.
«Siz bul saıysta sheber qımyldadyńyz, qarsylastyń kúshtiligine qaramastan ony 2-shi raýndta jeńip shyqtyńyz. Tamasha nátıje! Qazaqstandaǵy jáne sheteldegi sansyz jankúıerińizdi taǵy bir qýanttyńyz. Sizge keleshekte de Qazaqstan boksynyń damý jolyndaǵy belesterdi baǵyndyra berýge tilektespin», delingen Qazaqstan Boks federatsııasynyń basshysy T.Qulybaevtyń quttyqtaýynda.
