QR Boks federatsııasy Erkejandy jeńgen «jigit» jaıly pikir bildirdi
ASTANA. QazAqparat - Qazaqstan Boks federatsııasy jastar arasyndaǵy bokstan Azııa chempıonatyndaǵy janjalǵa qatysty pikir bildirdi, dep habarlaıdy «SPORTINFORM» SAA.
«Bul jaǵdaıdan bizdiń habarymyz bar. Oqıǵa tekserilip jatyr. Qoldanystaǵy protsedýra boıynsha AIBA jáne Azııa Boks konfederatsııasyna saýal jiberý qajet emes. Eger osy jaǵdaı resmı túrde rastalsa, halyqaralyq uıymdardyń ózderi bizge birinshi oryn úshin beriletin altyn medal men dıplomdy jiberýi tıis», - dep málimdedi Qazaqstan boks federatsııasynyń baspasóz qyzmeti.
Eske sala keteıik, Azııa chempıonatynan keıin (sáýir, Taıland) 57 kılogramǵa deıingi salmaq sanatynyń fınalynda qazaqstandyq Erkejan Dáýletjanqyzyn jeńgen Vetnamdyq boksshy Do Hong Ngok (Do Hong Ngoc) erkek ekeni belgili bolǵan.
