QR Boks federatsııasy bıylǵy jyldyń úzdikterin anyqtady

NUR-SULTAN. QazAqparat – Qazaqstan Boks federatsııasy bıylǵy maýsymdy qorytyndylap, jyldyń úzdik sportshylaryn jáne bapkerlerdi marapattady, dep habarlaıdy QazAqparat tilshisi.

QR Boks federatsııasynan málim etkendeı, bıylǵy jyldyń «Úzdik boksshysy» ataǵyn erler arasynda Bekzad Nurdáýletov jeńip aldy.

Aıta keteıik, 21 jastaǵy mańǵystaýlyq boksshy bıyl Ekaterınbýrgte ótken álem chempıonatynda qarsylas shaq keltirmeı, jeńis tuǵyrynyń eń bıik satysynan kóringen bolatyn.

Al «Áıelder arasyndaǵy úzdik boksshysy» ataǵyn qaraǵandylyq Mılana Safronova qanjyǵasyna baılady. Ol bıyl álem jáne Azııa chempıonattarynda júldeger atandy.

Sondaı-aq, «Úzdik jas boksshy» júldesin jastar arasyndaǵy Azııa chempıony Mahmud Sabyrhan ıelense, «Jastar komandasynyń úzdik jattyqtyrýshysy» Mahmudtyń bapkeri Іlııas Oralbek boldy.

«Qyzdar arasyndaǵy úzdik jas boksshy» atalymynda jeńis Azııa chempıony Anel Saqyshqa berildi.

«Úzdik federatsııa» ataǵyn Mańǵystaý oblysy ıelense, «Úzdik tóreshi» nomınatsııasy halyqaralyq dárejedegi tóreshi Ǵanı Ysqaqovqa buıyrdy.