QR birqatar óńirlerinde eskertý jarııalandy
ASTANA. 14 naýryz. QazAqparat - QR birqatar óńirlerinde eskertý jarııalandy, dep habarlady Qazgıdrometke silteme jasaı otyryp TJM-niń baspasóz qyzmetinen.
Pavlodar, Qaraǵandy oblystarynda 15 naýryzda jaýyn-shashyn, keı jerlerde nóserli jańbyr jaýady dep kútilýde, kóktaıǵaq ornap, ońtústik-batystan soǵatyn jeldiń ekpini 15-20 m/s-qa jetedi.
Túnde 15 naýryzda Aqmola oblysynda jańbyr, qar jaýady, keı jerlerde kóktaıǵaq ornaıdy, soltústik-shyǵystan soǵatyn jeldiń jyldamdyǵy 15-20 m/s-ty quraıdy.
Kúndiz 15 naýryzda Ońtústik Qazaqstan, Jambyl oblystarynda jaýyn-shashyn, keı jerlerde nóserli jańbyrdyń jaýýy yqtımal, 15-20 m/s jyldamdyqpen jel soǵady.
Kútilip otyrǵan nóserli jańbyrǵa baılanysty sınoptıkter Ońtústik Qazaqstan, Jambyl, Almaty, Shyǵys Qazaqstan oblystarynda sý tasqyny oryn alýy yqtımal ekenin boljaýda.
