QR birqatar aımaqtarynda burshaq jaýady dep kútilýde - 3 shildege arnalǵan aýa raıy boljamy
ASTANA. 2 shilde. QazAqparat - Atmosferalyq frontaldy aǵyndardyń ótýine baılanysty QR boıynsha 3 shildede aýa raıynyń turaqsyzdyǵy saqtalady, keı jerlerde ótkinshi jańbyr jaýyp, naızaǵaı jarqyldaıdy, burshaq jaýýy múmkin, uıytqyǵan jel soǵyp, keı jerlerde shań kóterilip, daýyl turady.
Bul týraly Qazgıdrometke silteme jasap, QR TJM baspasóz qyzmeti habarlaıdy.
Aqmola, Jambyl, Pavlodar, Qaraǵandy oblystarynda keı jerlerde 15-20 m/s jel soǵady, keı jerlerde burshaq jaýýy múmkin.
Ońtústik Qazaqstan, Qyzylorda, Shyǵys Qazaqstan oblystarynda, kúndiz Almaty, Batys Qazaqstan oblystarynda keı jerlerde jel 15-22 m/s-qa deıin kúsheıedi, shań kóterilip, daýyl turady.
Kúndiz Aqtóbe, Soltústik Qazaqstan oblystarynda keı jerlerde 15-20 m/s-qa jel soǵady.
Qostanaı, Mańǵystaý oblystarynda 15-20 m/s jel soǵady dep kútilýde, túnde tuman túsedi.
Almaty oblysynda keı jerlerde qatty ystyq bolady.
Respýblıkanyń soltústik-batysynda, soltústik-shyǵysynda, shyǵysynda, ońtústik-shyǵysynda, ońtústiginde jáne ortalyǵynda tótenshe joǵary órt qaýpi saqtalady.
Jaqyn táýlikterde respýblıkanyń ońtústiginiń, ońtústik-shyǵysynyń jáne shyǵysynyń taýly ózenderinde sý deńgeıiniń turaqsyzdyǵy kútilýde. Qazaqstannyń basqa sýly nysandarynda gıdrologııalyq tártipte aıtarlyqtaı ózgerister kútilmeıdi.
