QR birinshi vıtse-premeri Serik Ahmetov AShM basshysynyń ornyna «QazAgro» UBH dırektorlar keńesiniń tóraǵasy bolyp saılandy

ASTANA. 23 tamyz. QazAqparat - Qazaqstan Respýblıkasy Premer-Mınıstriniń birinshi orynbasary Serik Ahmetov «QazAgro» Ulttyq basqarý holdıngi» dırektorlar keńesiniń tóraǵasy bolyp saılandy, dep habarlaıdy holdıngtiń baspasóz qyzmetinen.

Atalǵan sheshim holdıng dırektorlarynyń keńesimen 2012 jyldyń 20 tamyzynda qabyldandy.

Buǵan deıin holdıngtiń dırektorlar keńesiniń tóraǵasy qyzmetin Qazaqstan Respýblıkasynyń aýyl sharýashylyǵy mınıstri Asyljan Mamytbekov atqaryp kelgen.

«QazAgro» Ulttyq basqarý holdıngi» AQ 2006 jyly quryldy. Holdıng onyń qurylymyna kiretin kompanııalardyń ınvestıtsııalyq aktıvterin tıimdi basqarý jolymen Qazaqstannyń agroónerkásip keshenin damytý boıynsha memlekettik saıasatty iske asyrady. Holdıng quramyna «Agrarlyq nesıelik korporatsııasy» AQ, «QazAgroGrant» AQ, «QazAgroMarketıng» AQ, «QazAgroÓnim» AQ, «QazAgroQarjy» AQ, «Azyq-túlik kelisim-sharty korporatsııasy» Ulttyq kompanııasy» AQ jáne «Aýyl sharýashylyǵyn qarjylyq qoldaý qory» AQ kiredi.