QR birinshi vıtse-premeri S.Ahmetov «Nura-Esil» arnasyn qaıta jóndeý jumystarymen tanysty
ASTANA. 25 naýryz. QazAqparat - QR birinshi vıtse-premeri S. Ahmetov Aqmola oblysyna jumys sapary aıasynda «Nura-Esil» arnasyn qaıta jóndeý jumystarynyń barysymen tanysty.
Jobanyń júzege asyrylýy týraly S. Ahmetovty 24 naýryz kúni aýyl sharýashylyǵy vıtse-mınıstri Marat Tolybaev pen Astana qalasy ákiminiń orynbasary Qanat Sultanbekov aqparattandyrdy. Olardyń atap ótýinshe, joba boıynsha problemalyq máseleler joq jáne nysan belgilengen ýaqytta - 2012 jyldyń qazan aıynda aıaqtalady.
Bul joba Astana qalasyna beriletin tehnıkalyq sýdyń kepildi kólemin arttyrý, Maıbalyq balyq pıtomnıgine sýdyń berilýin qamtamasyz etý jáne Astana sý qoımasynan sýdyń ótkizilýin azaıtý maqsatynda iske asyrylýda. Jańartý jumystary júrip jatqan «Nura-Esil» arnasynyń uzyndyǵy - 24,77 shaqyrym, eni - 3 metr, ortasha tereńdigi - 4 metr, jaz mezgilindegi sý ótkizý qabileti - sekýndyna 12,3 tekshe metr, qys mezgilinde - sekýndyna 3,9 tekshe metrdi quraıdy. Jobanyń quny - 4,7 mlrd. teńgeden astam.
Qazirgi ýaqytta bas merdiger mekemeler qurylys-montajdaý jumystaryn júrgizýde. Jańartý jumystary 2012 jyldyń qazan aıynda aıaqtalady. Búgingi tańda arnanyń 23 shaqyrymynda jańartý jumystary aıaqtaldy, bul jalpy atqarylatyn jumystyń 92 paıyzyn quraıdy.
