QR Bilim jáne ǵylym mınıstrligi UBT-ǵa qatysty alaıaqtardan abaı bolýǵa shaqyrdy
ASTANA. QazAqparat - Ulttyq biryńǵaı testileý qarsańynda QR Bilim jáne ǵylym mınıstrligine (QR BǴM) ár túrli aımaqtardan túlekterdiń ata-analarynan UBT-da joǵary ball alý maqsatynda aqsha jınaý júrgizilýde degen aqparat kelip tústi.
«Jınastyrylǵan qarajat QR BǴM baqylaýshylaryna beriledi delingen. Osyǵan oraı, QR Bilim jáne ǵylym mınıstrligi atalmysh aqsha jınaý zańsyz is-áreket ekenin jáne qylmystyq sot isin júrgizetin másele bolyp keletindigin eskertedi»,-delingen mınıstrlik habarlamasynda.
Osy turǵyda para alýshylar da, sonymen qatar para berýshilerde qylmystyq shemanyń qatysýshylary qataryna kiredi. Zańsyz aqsha jınaý jóninde aqparattar naqtylanǵan jaǵdaıda, onda memleket tarapynan bundaı zańsyzdyqtardyń aldyn alýǵa barlyq is-sharalar qoldanylatyn bolady, tipten Qazaqstan Respýblıkasy Qylmystyq kodeksimen qarastyrylǵan jaza júzege asyrylady.
Osyǵan baılanysty QR BǴM barsha múddeli taraptarǵa zańsyz qarajat jınaǵan jaǵdaıdy kórgen boıda quqyq qorǵaý organdary men mınıstrlikke habarlaýdy suraıdy.
