QR Bilim jáne ǵylym mınıstrligi: UBT aýystyrylmaıdy, biraq testileýdiń formaty ózgeredi
ASTANA. 11 qarasha. QazAqparat /Gúlnár Jandaǵulova/ - Ulttyq Biryńǵaı testileýdiń formaty ózgeredi, bul másele jaıly Qazaqstannyń Bilim jáne ǵylym mınıstrligi qarastyrýda.
«Ulttyq Biryńǵaı testileý formatyn jetildirý maqsatymen bilim berý mınıstriniń buıryǵyna sáıkes jumys toby quryldy», -degen osy másele jaıly kóptegen suraqtarǵa jaýap bergen mınıstr Baqytjan Jumaǵulov óziniń ǵalamtordaǵy jeke blogynda.
Jumys toby qarastyratyn suraqtardyń biri UBT úlgisin anyqtaý bolyp tabylady. «Balamaly nusqalardyń biri retinde ekisatyly testileýden ótkizý máselesi qaralyp otyr, sonymen qatar, ulttyq biryńǵaı synaq tapsyrý barlyǵyna mindetti bolady», - dep túsindirgen bilim berý mınıstri.
Ulttyq testiń qorytyndylary ortasha bilim alǵandyǵy týraly attestat alýǵa, «Altyn belgi», úzdik attestat alý quqyǵyn rastaýǵa yqpaly etetin bolady dep kútilýde. Memlekettik bilim berý granttaryn alýǵa nıetti oqýshylar mindetti túrde keshendi testileýden ótýleri kerek. Keshendi testileýde talapkerler tańdap alǵan mamandyǵyna sáıkes bólingen blok boıynsha synaq tapsyrýy kerek bolady.
B.Jumaǵulovtyń sózine qaraǵanda, «búgingi tańda UBT-ny alyp tastaý emes, onyń odan ár jetildirý jónindegi másele týyndaýda».
«Jalpy alǵanda, qazirgi UBT mektep bitirýshilerdiń bilimin tekserýdegi obektıvti qural bolyp tabylady jáne de joǵary bilim alýda azamattar aldynda birdeı quqyqtyq múmkindikter beredi», - degen pikirde mınıstr.
Qabyldanǵan sheshim týraly barlyq oblystyq bilim berý basqarmalary men mektepter habardar bolyp, tıisti aqparat Bilim jáne ǵylym mınıstrliginiń www.edu.gov.kz saıty men Bilim jáne ǵylym salasyndaǵy baqylaý komıtetiniń www.educontrol.kz saıttarynda jarııalanatyn bolady.
