QR Bilim jáne ǵylym mınıstrligi pedagogtardyń biliktiligin arttyrýdyń qashyqtan oqytý kýrstaryn bastady
STANA. Tamyzdyń 17-si. QazAqparat - Búgin QR Bilim jáne ǵylym mınıstrliginiń ınteraktıvti stýdııasynda pedagogtardyń biliktiligin arttyrýdyń qashyqtan oqytý kýrstary bastaldy. Bul týraly atalǵan vedomstvonyń Orta bilim departamentiniń dırektory Nurǵalı Arshabekov málim etti.
Onyń atap ótýinshe, qashyqtan oqytý kýrstarynyń tsıklin ótkizý úshin 13 baǵyt boıynsha pedagogtardyń kásibı quziretin arttyrýdyń modýldik baǵdarlamalary ázirlengen. Atalǵan baǵdarlamalarda mektepke deıingi tárbıe men bilim berýdi uıymdastyrý, bastaýysh bilim berý deńgeıinde aqparattyq-kommýnıkatsııalyq tehnologııalardy qoldaný, kóptildi bilim berýdiń beıimdi úlgisin engizýdiń ádis-tásilderi, «Ózin ózi taný» pánin oqytýdyń erekshelikteri syndy jaıttar qamtylǵan.
«Kýrstar pedagog qyzmetkerlerdiń problemalyq aımaqtaryn anyqtaýǵa, pedagogtardyń is-tájirıbelermen almasýyna, sonymen qatar oqý-tárbıe úrdisiniń jańa nysandar men ádisterin, tehnologııalaryn engizýge baǵyttalǵan. Bul qashyqtan oqytý kýrstary shalǵaıdaǵy aýyl mektepteri pedagogtarynyń biliktiligin arttyrýdyń, kásibı sheberlikterin jetildirýdiń eń tıimdi joly», dedi N.Arshabekov.
Jalpy, osy is shara barysynda 45 myńǵa jýyq mektep muǵalimderi, balabaqsha tárbıeshileri, oblystyq bilim basqarmalary men aýdandyq bilim bólimderiniń basshylary, qyzmetkerleri qamtylmaq.
