QR Bilim jáne ǵylym mınıstrligi EQYU sammıtin ótkizýge daıyndyq máseleleri jóninde Astananyń joǵarǵy oqý oryndarynyń rektorlarymen keńes ótkizdi
ASTANA. 20 qarasha. QazAqparat - Búgin QR Bilim jáne ǵylym mınıstri Baqytjan Jumaǵulov Astana qalasynyń segiz joǵary oqý orny rektorlarymen keńes ótkizdi. Kezdesýdiń biden-bir taqyryby EQYU sammıtine daıyndyqty talqylaý boldy, dep habarlaıdy QR Bilim jáne ǵylym mınıstrliginiń baspasóz qyzmeti.
QR Bilim jáne ǵylym mınıstrliginiń habarlaýynsha, Sammıtti ótkizýge qatysý úshin astanalyq joǵary oqý oryndarynyń aǵylshyn tilin biletin 555 volonter-stýdentiniń tizimi bekitildi. Olardyń ishinde 196 stýdent volonter retinde Qazaqstan Respýblıkasy Syrtqy ister mınıstrliginiń qaraýyna beriledi, joǵary oqý oryndary men kolledjderdiń 227 stýdenti QR Prezıdenti Іs basqarmasynyń qaramaǵyna ótedi. Qazaqstan Respýblıkasynyń Tótenshe jaǵdaılar mınıstrligi de óz qaramaǵyna qosymsha 30 stýdentti suratty. Volonter-stýdentter Astana qalasynyń temirjol vokzalynda gıd-saıahat júrgizýshi retinde aqparattyq qyzmetter kórsetý úshin «Vokzal-servıs» AQ qaramaǵyna beriledi. Osyndaı qyzmetterdi olar Sammıt qonaqtaryna elordanyń hylaqaralyq áýejaıynda da kórsetedi. Volonterler dıplomatııalyq korpýs pen Qazaqstan Respýblıkasynyń Densaýlyq saqtaý mınıstrligine de kómektesetin bolady.
