QR Bilim jáne ǵylym mınıstrligi Bilim berýdiń biryńǵaı aqparattyq júıesin uıymdastyrý jáne jumys isteý erejesin bekitti

Qazaqstan Respýblıkasy Bilim jáne ǵylym mınıstrliginiń buıryǵy
2011 jylǵy 1 jeltoqsanyn, №503

Bilim berýdiń biryńǵaı aqparattyq júıesin uıymdastyrý jáne jumys isteý erejesin bekitý týraly

«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-babynyń 4) tarmaqshasyn iske asyrý maqsatynda buıyramyn:
1. Qosa berilip otyrǵan Bilim berýdiń biryńǵaı aqparattyq júıesin uıymdastyrý jáne jumys isteý erejesi bekitilsin.
2. Strategııalyq josparlaý jáne aqparattyq tehnologııalar departamenti (A.Á.Nurmaǵambetov):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) memlekettik tirkeýden ótkennen keıin osy buıryqtyń buqaralyq aqparat quraldarynda jarııalanýyn qamtamasyz etsin.
3. Mynalardyń kúshi joıyldy dep tanylsyn:
1) «Bilim berýdiń biryńǵaı aqparattyq júıesin uıymdastyrý jáne jumys isteý erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 3 qazandaǵy № 548 buıryǵy (Qazaqstan Respýblıkasy normatıvtik quqyqtyq aktileriniń memlekettik tirkelý tiziliminde № 5343 tirkelgen, 2008 jylǵy 7 qarashadaǵy № 170 (1570) «Zań gazetinde» jarııalanǵan);
2) «Bilim berýdiń biryńǵaı aqparattyq júıesin uıymdastyrý jáne jumys isteý erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 3 qazandaǵy № 548 buıryǵyna tolyqtyrýlar men ózgerister engizý týraly» Qazaqstan Respýblıkasy Bilim jáne ǵylym mınıstriniń 2009 jylǵy 18 qarashadaǵy № 528 buıryǵy (Qazaqstan Respýblıkasy normatıvtik quqyqtyq aktileriniń memlekettik tirkelý tiziliminde № 5947 tirkelgen, 2009 jylǵy 24 jeltoqsandaǵy № 195 «Zań gazetinde» jarııalanǵan).
4. Osy buıryqtyń oryndalýyn baqylaý vıtse-mınıstr S.B.Shaıahmetovke júktelsin.
5. Osy buıryq alǵash resmı jarııalanǵan kúninen bastap otyz kúntizbelik kún ótken soń qoldanysqa engiziledi.

Mınıstrdiń mindetin atqarýshy M.SARYBEKOV.

Bilim jáne ǵylym mınıstriniń mindetin atqarýshysynyń 2011 jylǵy 1 jeltoqsandaǵy №503 buıryǵymen bekitildi

Bilim berýdiń biryńǵaı aqparattyq júıesin uıymdastyrý jáne onyń jumys isteý
EREJESІ

1. Jalpy erejeler
1. Osy Qazaqstan Respýblıkasyndaǵy Bilim berýdiń biryńǵaı aqparattyq júıesin uıymdastyrý jáne onyń jumys isteý erejesi (budan ári - Ereje) «Bilim týraly» Qazaqstan Respýblıkasynyń 2007 jylǵy 27 shildedegi Zańyna sáıkes ázirlendi jáne Qazaqstan Respýblıkasyndaǵy Bilim berýdiń biryńǵaı aqparattyq júıesin (budan ári - BBAJ) uıymdastyrý jáne jumys isteý tártibin, onyń qurylymy men mindetterin anyqtaıdy.
2. BBAJ-nyń maqsaty bilim berý uıymdaryn, bilim berýdi basqarý organdaryn Qazaqstan Respýblıkasynyń bilim berý uıymdary qyzmeti týraly tolyq, senimdi jáne salystyrmaly aqparatpen der kezinde qamtamasyz etý bolyp tabylady.
4. BBAJ-nyń mindetteri:
1) bilim berý monıtorıngin jáne bilim berýdi basqarý júıesin aqparatpen qamtamasyz etý;
2) Qazaqstan Respýblıkasy bilim berý júıesiniń qatysýshylary men elementterin birdeılendirý;
3) bilim berý uıymdarynyń qyzmeti, kadrlyq quramy jáne bilim alýshylardyń jetistikteri týraly málimetterdi jınaqtaý jáne óńdeý protsesin avtomattandyrý;
4) taldaý jáne aqparattyq málimetterdiń meken-jaılyq uıymdary:
árbir bilim alýshy boıynsha;
árbir bilim berý qyzmetkeri boıynsha;
árbir bilim berý uıymy boıynsha.
5) Qazaqstan Respýblıkasy bilim berý júıesiniń biryńǵaı aqparattyq keńistigin uıymdastyrý;
6) ınternet-resýrstary jáne/nemese mobıldik baılanys arqyly oqýshylardyń jetistigi týraly qoǵamdy habardar etý;
5. Osy Erejede qoldanylatyn negizgi túsinikter:
1) aqparattyq júıe - qorlandyrý, saqtaý, arnaýly ózgeris jáne derekterdi qashyqtyqtan jiberýdi qamtamasyz etetin (beıindi mamandar men avtomattyq tehnıkalyq quraldardyń birge qatysýyn boljamdaıtyn) aqparattyń avtomattandyrylǵan óńdelý júıesi;
2) derekter bazasy - qandaı da bir obektiniń aqparattyq modeli retinde birge saqtaý, avtomattandyrylǵan engizý jáne ákimshilik etýge arnalǵan derekterdiń júıelendirilgen jıyntyǵy;
3) baǵdarlamalyq qamtamasyz etý - kompıýterlik baǵdarlamalar men belgili bir máselelerdi sheshýge arnalǵan jáne apparattyq quraldarmen qatar tasymaldaıtyn mashınalarda saqtalatyn derekterdi qosatyn aqparattyq tehnologııalardyń mańyzdy quramdas bóligi. Baǵdarlamalyq qamtamasyz etý basqa baǵdarlamalarda qoldaný úshin berilgen málimetter nemese protsessor úshin nusqaýlyqtar tizbegi túrinde iske asyrylǵan algorıtm bolyp tabylady.
2. BBAJ-ny uıymdastyrý jáne onyń jumys isteýiniń tártibi
6. BBAJ (respýblıkalyq, oblystyq, qalalyq, aýdandyq deńgeı jáne bilim berý uıymdarynyń deń­geıi) bilim berý uıymdarymen basqarý ıerarhııasy negizinde uıymdastyrylady jáne jumys isteıdi.
7. BBAJ-ny uıymdastyrý óńirlik tıistilikti jáne bilim berýdi damytýdyń óńirlik baǵdarlamalarynyń erekshelikterin eskeredi.
8. BBAJ aqparattyq ortada derekter aǵynyn uıymdastyrýdy bes baǵyt boıynsha júzege asyrady:
1) aqparattyq - Qazaqstan Respýblıkasy bilim berý júıesiniń biryńǵaı aqparattyq keńistigin qamtamasyz etý;
2) ákimshilik - bilim berýdi basqarýdyń barlyq deńgeıinde basqarý sheshimderin aqparattyq qamtamasyz etý;
3) operatıvtik - jelilik monıtorıng jáne ákimshilik etý, derekterdi rezervtik saqtaý jáne óńdeý júıesin iske asyrý, operatıvti-tehnıkalyq personaldyq tehnıkalyq baılanysyn uıymdastyrý;
4) tehnologııalyq - resýrstyq jáne kadrlyq qamtamasyz etý, aǵymdaǵy talaptarǵa baılanysty ishki júıelerdi qurylymdaý, biryńǵaı tehnologııalyq keshen men ádistemelerdi qalyptastyrý, ınnovatsııalyq tehnologııalardy qoldaný, ońtaılandyrý jáne tehnologııalyq konsaltıng;
5) nátıjelilik - bilim berý uıymdaryna engizilgen aqparattyq júıe arqyly oqýshylardyń úlgerimi men sabaqqa qatysýynyń jedel monıtorıngi jáne ony baǵalaý.
9. BBAJ-ny uıymdastyrý tómendegi baǵyttar boıynsha bilim alýshylar úshin biryńǵaı aqparattyq keńistiktiń damýyn boljaıdy:
1) pedagogtar jáne bilim alýshylardyń forýmdary men chattary;
2) bilim beri uıymdarynyń web-portaldary.
10. BBAJ-ny uıymdastyrý kezinde bilim berý qyzmetkerlerin oqytý mynadaı nysandarda júzege asyrylady:
1) bilim berý jelisiniń operatorlary men ákimshilerin sertıfıkattaý;
2) bilim berýdiń tehnıkalyq qyzmetkerleri úshin oqytý semınarlary;
3) bilim berýdiń pedagogıkalyq qyzmetkerleri úshin oqytý semınarlary;
4) barlyq deńgeıdegi bilim berý uıymdary men bilim berýdi basqarý organdarynyń basshylaryna arnalǵan oqytý semınarlary;
5) jarııalanatyn ádistemelik ádebıetterdi qoldaný arqyly BBAJ-nyń elementterimen jumys isteýge óz betinshe oqytý.
11. BBAJ-da apattar, tabıǵat kataklızmderi, tehnogendik apattar bolǵan jaǵdaıda analıtıkalyq jumystar men qalpyna keltirý maqsatynda bilim berý júıesi qyzmetiniń Ulttyq bilim berý bazasyn, derekter bazasyn, ashyq qorlardy jáne BBAJ-nyń tehnıkalyq jaǵdaıyn júrgizý júzege asyrylady.
12. BBAJ-nyń termınaldary men ınterfeısteri qazaq jáne orys tilderine aýdarylǵan bolý kerek.
13. BBAJ-ny uıymdastyrý júıelik talaptar jáne apparattyq-baǵdarlamalyq quraldaryna qoıylatyn talaptar negizinde júzege asyrylady:
1) biriktirilý - júıe aqparattyq - kommýnıkatsııalyq tehnologııalar salasyndaǵy standarttar talaptaryna sáıkes bolý kerek;
2) ınteroperabeldik - júıe basqa júıelermen qarymqatynas jasaýǵa múmkúndik berip kerekti jaǵdaıda ol júıelerdiń aqparattyq resýrstaryna baǵyttalý kerek;
3) masshtabtaý - bir mezgilde jumys isteıtin paıdalanýshylardyń sany jáne óńdelgen aqparat kóleminiń artý ólshemi boıynsha júıeniń damý múmkindigin kepildendiretin salynymdyq únem kózqarasymen aýqymdalady;
4) keńeıý - paıdalanýshylardyń spetsıfıkalyq qajettilikterine sáıkes bastapqy qabyldanǵan damytý tujyrymdamasynyń jáne tehnologııalyq bazasynyń sheginen shyqpaı júıeniń fýnktsıonaldyq áleýetiniń údeý múmkindigi;
5) beıimdelý - Qazaqstan Respýblıkasynyń Zańnamalary men bilim berý uıymdaryna qoıylatyn talaptardy, usynylatyn normatıvtik qujattaryn esepke ala otyryp naqty uıymdardyń erekshelikterine arnalǵan avtomatty baptaý múmkindigi;
6) BBAJ-nyń apparattyq - baǵdarlamalyq júıesi dúnıe júzindegi ozyq tehnologııalardyń deńgeıine sáıkes kelý kerek.
14. BBAJ - nyń jumys jasaýy kelesige múmkindik týǵyzady:
1) Qazaqstan Respýblıkasynyń azamattarynyń aldynda bilim berý uıymdarynyń jáne bilim berýdi basqarý organdarynyń ashyq esepterin damytý;
2) elektrondyq qyzmetterdi kórsetý;
3) bilim berý uıymdarynyń jáne bilim berý basqarmalarynyń qatysýymen ashyq forýmdar uıymdastyrý;
4) ınnovatsııalyq metodıkalyq materıaldardy jarııalaý jáne ashyq talqylaý;
5) aýmaqtyq belgi boıynsha ashyq reıtıngtik júıeniń is-áreket jasaýy;
6) ata-analar qaýymyna aǵymdaǵy jáne kezeń úlgerimi jáne kelýshiler sany boıynsha jıyntyq jasaý;
7) Mınıstrlikke jáne onyń onyń aǵymdaǵy jáne kezeń úlgerimi jáne kelýshiler sany boıynsha jıyntyq jasaý;
15. BBAJ jergilikti jelide jáne kommýnıkatsııada jumys jasaıdy;
16. BBAJ tehnıkalyq súıemeldeýi tıisti profıldegi sertıfıkattalǵan mamandarmen jasalynady.