QR Bilim jáne ǵylym mınıstriniń buıryǵymen oqý jetistikterin syrttaı baǵalaýdy ótkizý boıynsha nusqaýlyq bekitildi

***

Oqý jetistikterin syrttaı baǵalaý nusqaýlyǵyn bekitý týraly

Qazaqstan Respýblıkasy Bilim jáne ǵylym mınıstrliginiń buıryǵy №151

                                                         2012 jylǵy 6 sáýir,  Astana qalasy

«Bilim týraly» Qazaqstan Respýblıkasynyń 2007 jylǵy 27 shildedegi №319 Zańynyń 55-babyna sáıkes buıyramyn:
1. Qosa berilip otyrǵan oqý jetistikterin syrttaı baǵalaýdy ótkizý qaǵıdasy bekitilsin.
2. Bilim jáne ǵylym salasyndaǵy baqylaý komıteti (S.Á.Yrsalıev):
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn.
3. Osy buıryqtyń oryndalýyn baqylaý Bilim jáne ǵylym salasyndaǵy baqylaý komıtetiniń tóraǵasy S.Á. Yrsalıevke júktelsin.
4. Osy buıryq alǵash ret resmı jarııalanǵannan keıin kúntizbelik on kún ótken soń qoldanysqa engiziledi.

                                                                                    Mınıstrdiń   mindetin atqarýshy M.ORYNHANOV.

Qazaqstan Respýblıkasy Bilim jáne ǵylym mınıstriniń mindetin atqarýshynyń
2012 jylǵy 6 sáýirdegi  №151 buıryǵymen bekitilgen

Qazaqstan Respýblıkasynyń bilim berý uıymdarynda
oqý jetistikterin syrttaı baǵalaýdy ótkizý jónindegi nusqaýlyq

Jalpy erejeler
1. Osy nusqaýlyq «Bilim týraly» Qazaqstan Respýblıkasynyń Zańyna sáıkes ázirlendi jáne bilim berý uıymdarynda oqý jetistikterin syrttaı baǵalaýdy (budan ári - OJSB) uıymdastyrý jáne júzege asyrý tártibin anyqtaıdy.
2. Nusqaýlyq menshik nysandary men vedomstvolyq baǵynystylyǵyna, tıpteri men túrlerine qaramastan bilim berý uıymdarynda júzege asady.
3. Bilim berý uıymdaryndaǵy OJSB-nyń mindetteri:
1) bilim alýshylardyń oqý jetistikterin monıtorıngileýdi júzege asyrý;
2) oqý protsesin uıymdastyrýdyń tıimdiligin baǵalaý;
3) bilim berý uıymdary kórsetetin bilim berý qyzmetiniń sapasyna salystyrmaly taldaý jasaý bolyp tabylady.
4. OJSB-ny ótkizý merzimin bilim salasyndaǵy ýákiletti organ (budan ári - ýákiletti organ) belgileıdi.

2. Jalpy orta bilim berý uıymdarynda OJSB-ny ótkizý
5. Jalpy orta bilim berý uıymdarynda OJSB negizgi orta, jalpy orta bilim alýdy aıaqtaǵannan keıin:
negizgi mektepte (9 (10)-synyptan keıin - oqytýdyń odan ári traektorııasyn aıqyndaý maqsatynda;
jalpy orta (beıindik) mektepte - oqý jetistikteriniń deńgeıin baǵalaý maqsatynda ótkiziledi.
6. Negizgi orta bilim deńgeıindegi OJSB bilim alýshylar bilim alyp jatqan bilim berý uıymdarynyń bazasynda ótkiziledi.
7. OJSB-ny ótkizý qaǵıdalarynyń saqtalýyn baqylaýdy Bilim jáne ǵylym salasyndaǵy baqylaý komıtetiniń Bilim salasyndaǵy baqylaý departamentteri jáne Mınıstrlikten jiberilgen ýákiletti ókilder júzege asyrady.
8. OJSB keshendi testileý nysanynda qaǵaz jetkizgish sııaqty qazirgi zamanǵy aqparattyq tehnologııalardy, sondaı-aq ýákiletti organ bekitken jazbasha tapsyrmalardy qoldaný arqyly ótkiziledi.
9. Tapsyrmalar jalpy bilim beretin oqý baǵdarlamalarynyń negizinde ázirlenedi, olardyń mazmuny atalǵan baǵdarlamalardyń sheńberinen shyqpaýy tıis.
10. 9 (10) synyptarda OJSB rásimderine mindetti túrde qazaq tili jáne ýákiletti organ jyl saıyn belgileıtin 3 pán engiziledi.
11. Árbir pán boıynsha test tapsyrmalarynyń sany - 20.
12. Testileýge 4 pán boıynsha 120 mınýt (2 saǵat) beriledi.
13. OJSB-nyń nátıjesi árbir durys jaýap úshin 1 ballmen baǵalanady.
14. Nátıjelerin óńdeý ulttyq biryńǵaı testileýdi ótkizý pýnktterinde júrgiziledi.
15. OJSB-nyń nátıjeleri oqýshylardyń nazaryna ol aıaqtalǵannan keıin kúntizbelik 3 kún ishinde jetkiziledi.
16. OJSB-nyń nátıjelerin reıtıngtik zertteý júrgizetin uıymdar paıdalanýy múmkin.
17. Testileýdi júrgizýge daıyndyq barysynda oqýshylarmen testileý materıaldaryn toltyrý boıynsha túsindirý júmystary júrgiziledi, OJSB rásimin ótkizý tártibimen tanystyrylady.
Oqýshylarǵa:
1) bir orynnan ekinshi orynǵa aýysýǵa;
2) kezekshiniń ruqsatynsyz testileý materıaldaryn ashýǵa;
3) testileý materıaldaryn basqa oqýshynyń materıaldarymen aıyrbastaýǵa;
4) kalkýlıatordy, anyqtamalyq ádebıetterdi (Mendeleev jáne tuzdardyń erigishtigi kestesinen basqasyn), elektrondyq jazba kitapshalaryn, korrektor suıyqtyǵyn jáne baılanys quraldaryn paıdalanýǵa;
5) basqa oqýshylarmen sóılesýge jáne kóshirýge, shpargalka jáne basqa da anyqtamalyq materıaldardy qoldanýǵa;
6) kezekshiniń jáne Mınıstrlik ókiliniń ruqsatynsyz aýdıtorııadan shyǵýǵa
ruqsat etilmeıdi.

3. OJSB-ny joǵary bilim berý uıymdarynda ótkizý
18. Joǵary bilim berýdiń kásiptik oqý baǵdarlamalaryn iske asyratyn bilim berý uıymdarynda OJSB bilim berý qyzmetteriniń sapasyn baǵalaý jáne joǵary bilimniń memlekettik jalpyǵa mindetti bilim berý standartynda (budan ári - MJMBS) qarastyrylǵan oqý pánderiniń kólemin bilim alýshylardyń meńgerý deńgeıin anyqtaý maqsatynda sońǵy kýrs stýdentteri úshin júzege asyrylady.
19. OJSB menshik nysany men vedomstvolyq baǵynystylyǵyna qaramastan joǵary oqý oryndaryndaǵy barlyq oqytý nysandary boıynsha bilim alýshy stýdentter úshin ótkiziledi. OJSB-nyń nátıjelerin reıtıngtik zertteý júrgizetin uıymdar paıdalanatyn bolady.
20. OJSB júrgiziletin joǵary bilim mamandyqtarynyń tizbesin bilim berý salasyndaǵy ýákiletti organ aıqyndaıdy.
21. OJSB ótkizý úshin MJMBS-nyń bazalyq jáne beıindi pánderiniń tsıkldary boıynsha test tapsyrmalary paıdalanylady.
22. OJSB keshendi testileý (budan ári - testileý) nysanynda 4 pán boıynsha ýákiletti organ belgilegen merzimde ótkiziledi.
23. Árbir pán boıynsha test tapsyrmalarynyń sany - 25, al 4 pán boıynsha test tapsyrmalaryn oryndaýǵa 150 mınýt (2,5 saǵat) bólinedi.
24. Testileý oqytý tilinde, tıisinshe qazaq nemese orys tilderinde ótkiziledi.
25. Bilim berý uıymdarynda OJSB ótkizý qaǵıdalarynyń saqtalýyn baqylaýdy Bilim jáne ǵylym salasyndaǵy baqylaý komıtetiniń aýmaqtyq organdary jáne bazalyq joǵary oqý oryndaryna jiberilgen Mınıstrliktiń ókilderi júzege asyrady.
26. Testileýdiń nátıjeleri stýdentterdiń nazaryna testileý aıaqtalǵannan keıin 24 saǵat ishinde jetkiziledi.

Buıryq Qazaqstan Respýblıkasynyń Ádilet mınıstrliginde 2012 jylǵy 11 sáýirde Normatıvtik quqyqtyq kesimderdi memlekettik tirkeýdiń tizilimine №7553 bolyp engizildi.