QR Bilim jáne ǵylym mınıstri «Jalpy bilim beretin oqý oryndarynda 2013-2014 oqý jylynyń bastalýy týraly» buıryqqa qol qoıdy

* * *

Qazaqstan Respýblıkasy Bilim jáne ǵylym mınıstrliginiń buıryǵy №198

2013 jylǵy 27 mamyr, Astana qalasy

Jalpy bilim beretin oqý oryndarynda 2013-2014 oqý jylynyń bastalýy týraly

Qazaqstan Respýblıkasynyń «Bilim týraly» 2007 jylǵy 27 shildedegi Zańynyń 5-babynyń 14) tarmaqshasyna, Qazaqstan Respýblıkasy Úkimetiniń 2012 jylǵy 23 tamyzdaǵy № 1080 qaýlysymen bekitilgen Qazaqstan Respýblıkasy orta bilim berýdiń (bastaýysh, negizgi orta, jalpy orta bilim berý) memlekettik jalpyǵa mindetti standartynyń 37-tarmaǵyna sáıkes buıyramyn:
1. Menshik nysandaryna jáne vedomstvolyq baǵynystylyǵyna qaramastan, jalpy bilim beretin oqý oryndarynda 2013-2014 oqý jylynyń bastalý merzimi 2013 jylǵy 2 qyrkúıek bolyp belgilensin.
Oqý jylynyń uzaqtyǵy mektepaldy daıyndyq synyptarynda - 32 oqý aptasy, 1- synyptarda - 33 oqý aptasy, 2-11 (12)- synyptarda, 12 jyldyq bilim berýdiń 11-12-eksperımenttik synyptarynda - 34 oqý aptasy. Oqý jyly barysyndaǵy kanıkýldar:
1) 1-11 (12) - synyptarda, 12 jyldyq bilim berýdiń 11-12-eksperımenttik synyptarynda: kúzgi kanıkýl - 8 kún (2013 jylǵy 4-11 qarashany qosa alǵanda), qysqy - 10 kún (2013 jylǵy 30 jeltoqsan - 2014 jylǵy 8 qańtardy qosa alǵanda), kóktemgi - 12 kún (2014 jylǵy 20-31 naýryzdy qosa alǵanda);
2) mektepaldy daıarlyq synyptarynda: kúzgi kanıkýl - 8 kún (2013 jylǵy 4-11 qarashany qosa alǵanda), qysqy - 14 kún (2013 jylǵy 28 jeltoqsan - 2014 jylǵy 10 qańtardy qosa alǵanda), kóktemgi - 15 kún (2014 jylǵy 20 naýryz - 3 sáýirdi qosa alǵanda);
3) mektepaldy daıarlyq synyptary men 1- synyptarda: qosymsha kanıkýl - 7 kún (2014 jylǵy 3-9 aqpandy qosa alǵanda) merziminde belgilenedi.
2. 2013 jylǵy 1 qyrkúıekte barlyq jalpy bilim berý uıymdarynda «Qazaqstan-2050» Strategııasy: bir halyq - bir el - bir taǵdyr» taqyrybynda saltanatty jıyn ótkizilsin.
3. Mektepke deıingi jáne orta bilim departamenti (J.A.Jontaeva):
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) memlekettik tirkeýden ótkennen keıin osy buıryqtyń buqaralyq aqparat quraldarynda resmı jarııalanýyn qamtamasyz etsin.
4. Osy buıryqtyń oryndalýyn baqylaý vıtse-mınıstr M.A.Ábenovke júktelsin.
5. Osy buıryq alǵash ret resmı jarııalanǵanynan on kúntizbelik kún ótkennen keıin qoldanysqa engiziledi.

Mınıstr B.JUMAǴULOV.