QR Bilim jáne ǵylym mınıstri mugalimderdi kásibı merekesimen quttyqtady
ASTANA. 4 qazan. QazAqparat - Búgin QR Bilim jáne ǵylym mınıstri Baqytjan Jumaǵulov Astanadaǵy Kongress-Holl saraıyndaǵy saltanatty sharada elimizdiń ustazdaryn kásibı merekesimen quttyqtady.
«Adamnyń adamshylyǵy jaqsy ustazdan bolady» dep uly Abaı aıtqandaı, qazaq qaı zamanda bolmasyn ustazdy erekshe qurmettegen. Elbasymyz N.Á.Nazarbaev bilim salasyna erekshe mán berip,únemi qamqorlyq kórsetip keledi. Bul - memlekettiń damý saıasatynda sapaly bilim men bilikti ustazdyń orny aıryqsha ekenin bildiredi.
Qazir saýattylyq deńgeıi jaǵynan elimiz 177 eldiń ishinde 14-shiorynda.Al bilimdi damytý ındeksi boıynsha 129eldiń ishinde alǵashqy tórt eldiń qataryndamyz», - dedi mınıstr ustazdarǵa alǵysyn bildirip.
«Mekteptiń júregi - sizdersizder, qadirli ustazdar! Sondyqtan mınıstrlik pedagog mártebesin kóterýdi eń basty mindetterdiń biri dep sanaıdy. Qurmetti ustazdar! Sizderdi merekelerińizben taǵy da quttyqtaı otyryp, barshańyzǵa zor densaýlyq, shyǵarmashylyq tabys, otbasylaryńyzǵa baqyt tileımin!» - dedi ol.
