QR Bilim jáne ǵylym mınıstri Almaty tehnologııalyq ýnıversıteti ujymymen kezdesti
; ALMATY. Aqpannyń 11-i. QazAqparat /Erbol Azanbek/ - Elbasy joldaýynda aıtylǵan mindetter men maqsattardyń tabysty oryndalýy elimizdiń árbir turǵynynyń qosqan úlesine baılanysty. Bul týraly búgin Almaty tehnologııalyq ýnıversıteti ujymymen kezdesken QR Bilim jáne ǵylym mınıstri Janseıit Túımebaev aıtty,
dep habarlaıdy QazAqparat.
Janseıit Túımebaevtyń aıtýynsha, bilim salasy elimizdiń turǵyndarynyń úshten birin qamtıdy. Máselen, 50 myńnan astam mektep pen joǵary oqý oryndarynyń oqytýshylary, ǵylymı qyzmetkerler, tárbıeshiler 3,5 mıllıonnan astam oqýshylar men stýdentterge bilim berýde.
«Bilim salasynyń ózekti máseleleri men basty baǵyttary kúndelikti qoǵam nazarynda. Óıtkeni, bul sala elimizdiń barlyq turǵynyna qatysty», dep atap ótti mınıstr. Onyń aıtýynsha, bul baǵytta bıylǵy joldaýda Elbasy bilim salasyn taǵy da basty baǵyttardyń biri retinde atap ótti. «Joldaýda Elbasy atyp kórsetken memlekettik «Balapan» baǵdarlamasy qoǵam tarapynan úlken qoldaý tabýda», degen mınıstr Almaty tehnologııalyq ýnıversıtetiniń bilim sapasyna toqtaldy. Ol óz sózinde ýnıversıtette qos dıplomdyq bilim berý baǵdarlamasynyń tabysty júzege asyrylyp jatqanyna toqtalyp, mamandyqtar boıynsha halyqaralyq akkredıtatsııadan ótýdi jedeldetýdi usyndy.
Kezdesýge ýnıversıtet ujymymen qatar Almaly aýdanynyń ákimi Marat Pirinbekov qatysyp, Joldaý jaıly oılaryn ortaǵa saldy.
