QR Bilim jáne ǵylym mınıstri A.Sárinjipov QazGZÝ-de halyqqa qyzmet kórsetý ortalyǵyn ashty
ASTANA. QazAqparat - Búgin Astanada QR Bilim jáne ǵylym mınıstri Aslan Sárinjipov Qazaq gýmanıtarlyq zań ýnıversıtetinde Halyqqa qyzmet kórsetý ortalyǵyn ashty. Ashylý saltanaty oqý ordasynyń bas ǵımaratynda ótti.
"QazGZÝ Halyqqa qyzmet kórsetý ortalyǵynyń basty maqsaty - bir tereze qaǵıdasy boıynsha stýdentterge sapaly jáne jedel qyzmet kórsetý. Munda 40 shaqty ártúrli qyzmetter kórsetiledi. Stýdentterge, magıstranttarǵa, doktoranttarǵa, talapkerler men olardyń ata-analaryna qajetti máseleler boıynsha qyzmet kórsetedi. Sonyń ishinde qujat qabyldaý, oqýǵa túsý, oqýdan shyǵý, aýysý, bilim alýdaǵy ózgerister, jataqhanaǵa ornalasý jáne taǵy basqa máseleler boıynsha klıentterdiń muqtajdyqtary oryndalady. Bir ótinishti qaraýǵa 15-20 mınýt ýaqyt ketedi», - dep atap ótti HQKO basqarma basshysy Ermek Aglakov.
Onyń aıtýynsha, qazirgi ýaqytta HQKO bazasyn Elektrondy úkimetke qosý jumystary qarastyrylyp jatyr. Bul jumys iske assa, stýdentter úıinen shyqpaı-aq óz sharýalaryn bitire alady.
Aıta ketý kerek, bul elimizdegi osyndaı tuńǵysh mekeme. Mundaı tájirıbe Germanııa, Ulybrıtanııa, Nıderlandy elderinde kópten beri qoldanylyp keledi.
