QR BǴM JOO rektorlaryn taǵaıyndaýdyń jańa erejelerin engizedi

Buryn joǵarǵy oqý oryndarynyń rektorlary QR Bilim jáne ǵylym mınıstriniń jeke sheshimimen taǵaıyndalatyn.

Bıyldan bastap memlekettik JOO rektorlar saılaý arqyly taǵaıyndalady. Ashyq konkýrs negizindegi irikteýdi ǵalymdardan sondaı-aq bıznes, jergilikti atqarý organdary jáne qoǵam ókilderinen quralǵan  ýnıversıtettiń Qadaǵalaý keńesi ótkizedi.

Rektor laýazymyna úmitkerler irikteýdiń negizgi krıterıılerine tolyqtaı saı kelip, ýnıversıtettiń damý baǵdarlamasyn usynýlary tıis. Úmitker maquldanǵan jaǵdaıda, Qadaǵalaý keńesi óz sheshimin Repýblıkalyq konkýrstyq komıssııaǵa joldaıdy. Qadaǵalaý keńesi qoldaǵan kandıdattar sany úsh adamnan kem bolmaýy kerek. Alǵashqy irikteýden keıin úmitkerler QR Premer-mınıstriniń áleýmettik máselelerdi qadaǵalaıtyn orynbasarynyń jetekshiligindegi Respýblıkalyq komıssııada suhbattasýdan ótkizilip, alqaly negizde sońǵy sheshim qabyldanady.    

Memlekettik JOO rektorlaryn saılaý eń aldymen laýazymǵa taǵaıyndalýdyń aıqyndyǵy men ashyqtyǵyn qamtamasyz etpek. Sonymen qatar, konkýrstyq irikteý nátıjesinde eń jaqsy dep tabylǵan JOO-nyń damý baǵdarlamasyn qabyldaýǵa múmkindik beredi. 

JOO-nyń Qadaǵalaý keńesteriniń tizimderi qalyptastyrylǵandyqtan, olar ýnıversıtetterdiń saıttarynda ashyq jarııalanýy tıis. Memlekettik JOO rektorlary laýazymdaryna úmitkerlerdi irikteý taıaý kezeńde bastalady, dep habarlaıdy QR Bilim jáne ǵylym mınıstrliginiń baspasóz qyzmetinen.