QR BǴM JOO-larda jemqorlyqpen kúres úshin arnaıy portal ashpaq
ASTANA. QazAqparat - Qazaqstan Respýblıkasy Bilim jáne ǵylym mınıstrligi 19 aqpanda «Nur Otan» partııasynyń jemqorlyqqa qarsy Respýblıkalyq qoǵamdyq keńesi ótkizgen otyrysynyń qortyndysy boıynsha tómendegi aqparatty joldaıdy.
Bilim berý salasyndaǵy jemqorlyq deńgeıin azaıtýdyń tıimdi joly 2011-2020 jyldarǵa arnalǵan Bilim berýdi damytýdyń Memlekettik baǵdarlamasynda kórsetilgen tapsyrmalardan turady. Atalǵan baǵdarlama sheńberinde negizgi 5 baǵyt boıynsha jumys júrgizilýde.
1. Infraqurylymdy damytý men jalpy halyqqa bilim berý qyzmetteriniń qoljetimdiligin qamtamasyz etý balalardyń sapaly bilim alýyna múmkindik beredi. QR BǴM Elbasy tapsyrmasy boıynsha, respýblıkalyq bıýdjetten jáne Ulttyq qor esebinen 2015-2017 jyldary 142 mektep pen 60 balabaqsha salýdy josparlap otyr.
2. Bilim berý uıymdarynda korporatıvti basqarý júıesi qalyptasýda.
Joǵary bilim salasy boıynsha, elimizdiń 62 JOO-synda quramyna qoǵamdyq uıymdar ókilderi kiretin Qamqorlyq keńesteri jumys isteıdi. 9 JOO-da Baqylaý keńesteri bar.
Mektepter men kolledjderde Qamqorlyq keńesteri qurylýda (2015 j. - 45%, 2020 j. - 60%). Olar bilim berý uıymynyń damý strategııasyn anyqtap, negizgi qyzmetterdi taǵaıyndaýmen jáne qarjymen jumys barysyn baqylaýmen aınalysýlary tıis. Baqylaý keńesteriniń mańyzyn arttyrýdaǵy basty shart - onyń quramyna ata-analar, jumys berýshiler, memlekettik emes uıym ókilderi jáne túrli salalyq qaýymdastyq ókilderiniń kirýi.
3. Jan basyna qaraı qarjylandyrý júıesin engizý resýrstardy bólýdiń barlyq mehanızmin aıqyn kórýge múmkindik beredi, mektepterdegi jumystyń tıimdiligin arttyrý úshin jáne muǵalimderdiń kásibı damýy úshin qosymsha qarajatpen qamtamasyz etedi.
4. Memlekettik qyzmet kórsetýdi avtomattandyrý men elektrondyq júıege kóshirý halyqtyń memlekettik qyzmetkermen tikeleı baılanysý múmkindigin tómendetedi.
5. Bilim berý protsesine qoǵamdyq monıtorıng jasaý mekteptegi bilimniń jaǵdaıyn anyq kórsetedi.
Mınıstrlikte jemqorlyqqa qarsy kúres jáne memlekettik qyzmetkerdiń qyzmettik etıkasyn saqtaý Komıssııasy qurylyp, jumys isteýde. JOO-daǵy jemqorlyqpen kúres úshin arnaıy Keńes quryldy. Quramyna Qoǵamdyq tulǵalar kiretin Jemqorlyqqa qarsy kúres úshin Qoǵamdyq keńes bar.
2011-2015 jyldarǵa arnalǵan Jemqorlyqqa qarsy kúrestiń salalyq baǵdarlamasy júzege asyrylýda. Onyń basty mindeti - jemqorlyqqa qarsy kúres týraly zańnamany jetildire túsý, jemqorlyqpen kúresýde memlekettik organdar qyzmetiniń tıimdiligin arttyrý.
2014 jyly Mınıstrlikte Іshki baqylaý komıteti quryldy. Onyń jumysy nátıjesinde úsh materıal Qarjy polıtsııasyna berildi. Bıýdjettik zańnamanyń buzylǵandyǵy jóninde 35 usynys daıyndalyp, tıisti organdarǵa berildi.
Mınıstrliktiń kadrlarmen jumys basqarmasy bos vakanttyq oryndarǵa úmitkerler men qyzmetkerlerdiń sottalǵany, basqa da kemshilikteri týraly aqparattardy tekserýmen turaqty túrde aınalysady. Nátıjesinde 2014 jyldyń kúzinde QR BǴM ortalyq apparatyndaǵy Jastar isi departamentinde (burynǵy jas isi jónindegi komıtet) jemqorlyqqa qatysty fakti anyqtalyp, onyń aldyn aldy. Oǵan qatysy bar qyzmetker vedomstvolyq qurylymda 2012 jyldan beri jumys istep kelgen. 2014 jyldyń qarashasynda atalǵan jaǵdaıǵa baılanysty jumystan shyǵaryldy.
Mınıstrliktegi jetekshiler «Nur Otan» partııasynyń qoǵamdyq qabyldaýyna turaqty túrde qatysyp otyrady. Mınıstrlik basshylyǵynyń (mınıstr, vıtse-mınıstrler) ózara kelisim qujattary boıynsha 2014 jyly azamattardy qabyldaý kestesine sáıkes qabyldaý 14 sáýirge, 27 tamyzǵa, 4 maýsymǵa jáne 8 qazanǵa belgilengen. Ótken jyldyń qazan aıynda azamattardy Bilim jáne ǵylym mınıstri Sárinjipov A.B. qabyldady.
Qazirgi ýaqytta Mınıstrlik sarapshylarymen birge oqý oryndarynda jemqorlyqqa qarsy kúreske baýlıtyn ádistemelik qural jasalyp jatyr. Sonymen qatar, «Quqyq negizderiniń» tıptik baǵdarlamasyna jemqorlyqpen kúreske qatysty taqyryptar engizý josparlanýda. Taqyryp pán mazmunynyń 15%-yn quraıdy.
JOO jumystarynyń aıqyndyǵy úshin, ondaǵy jemqorlyqpen kúresý úshin arnaıy portal ashýǵa qatysty jumystar júrgizilýde.
