QR BǴM joǵary oqý oryndarynda sybaılas jemqorlyq órship otyrǵan aldyńǵy úshtiktegi oblysty atady

Búgin QR BǴM-da 2011 jyldyń 9 aıynyń qorytyndysyna arnalǵan keńeıtilgen alqa májilisi ótti. Onda vedomstvonyń jaýapty hatshysy Bolat Ábdirásilov, bilim berý salasyndaǵy jemqorlyq úderisi jáne oǵan qarsy atqarylyp jatqan sharalar týraly baıandady.

«Joǵary bilimge qatysty aıtatyn bolsaq, JOO-larda resmı anyqtalǵan jemqorlyq faktileri biren-saran bolǵanymen, mamandardyń baǵalaýynsha, kóptegen quqyqbuzýshylyqtar kóleńkede qalyp otyr. Muny júrgizilgen áleýmettik saýalnamalardyń nátıjeleri kórsetýde. Máselen, stýdentter sessııa kezinde jemqorlyq qylmystar eń kóp oryn alatyn JOO-lar ornalasqan aldyńǵy úshtikke - Ońtústik Qazaqstan, Aqmola oblystary men Almaty qalasyn jatqyzdy», - dedi ol.

Onymen bir mezgilde, jaýapty hatshy, buqaralyq aqparat quraldarynda stýdentter arasynda júrgizilgen áleýmettik saýalnama jeleýimen atalmysh problema boıynsha shyǵyp jatqan aqparattar shyndyqqa esh janaspaıtynyn aıtty. «Biz ókinishke qaraı, saýalnamalardy uıymdastyratyn jáne júrgizetin adamdardy tappaı júrmiz. Biz yntymaqtasa jumys isteýge daıynbyz», - dep qadap aıtty ol.

B.Ábdirásilov atap kórsetkendeı, kóptegen JOO-lar bul áleýmettik problema týraly tek sessııa kezinde ǵana oılana bastaıdy. Sybaılas jemqorlyq quqyqbuzýshylyqtardyń aldyn alý boıynsha júıeli algorıtm joq.

«JOO-lardyń deninde bilim berýdiń nátıjesi týraly aqparattyq ashyqtyq joq. Stýdentterdiń nazaryna aǵymdaǵy, rýbejdik jáne qorytyndy baqylaýlardyń nátıjeleri ýaqytyly jetkizilmeıdi. Stýdentterdiń oqýǵa kelip-ketýi óz deńgeıinde qadaǵalanbaıdy. Jemqorlyqqa qarsy jumystar boıynsha usynylǵan esepterge jasalǵan taldaý - birqatar JOO-da jemqorlyq quqyqbuzýshylyqtardyń aldyn alý júıeli túrde emes, nemquraıly júrgiziletindigin kórsetti», - dep túıindedi ol.