QR BǴM jemqorlyq faktileri jıi tirkelgen ýnıversıtetterdiń rektorlaryn jumystan bosatpaq
ASTANA. QazAqparat - QR BǴM jemqorlyq faktileri jıi tirkelgen ýnıversıtetterdiń rektorlaryn jumystan bosatpaq. Bul týraly búgin L.Gýmılev atyndaǵy Eýrazııa ulttyq ýnıversıtetinde ótken jemqorlyqqa qarsy kúres úılestirý keńesinde QR Bilim jáne ǵylymı vıtse-mınıstri Takır Balyqbaev málim etti.
«Úılestirý keńesteriniń jumysy birshama keńeıedi. Sonyń biri rektorlardyń jemqorlyqqa qarsy kúres deklaratsııasyn qabyldaý baǵytyndaǵy jumystar. Biz buǵan deıin aıtyp keldik, jemqorlyq axýalyn, jastardy jemqorlyqqa tózbeýshilik rýhta tárbıeleýdi qadaǵalaıtyn bolamyz. Stýdentterdiń jemqorlyqqa degen tózbeýshilik sezimin qalyptastyrýǵa rektorlar jaýap beredi. Bul baǵyttaǵy jumystar árbir rektorǵa personaldy túrde tapsyryp otyratyn bolamyz. Ásirese, memlekettik rektorlarǵa qatysty. Bul sizderdiń jumystaryńyzdy baǵalaýdyń bir bóligi bolady. ıAǵnı, biz túrli baǵalaý ádisterin ótkizip otyramyz», - dedi ol. Onyń aıtýynsha, osy ádisterdiń aıasynda anyqtalǵan álsizdikter rektorlardyń qyzmetine tikeleı áser etýi kerek. «Birde bizden «jemqorlyǵy dendegen joǵary oqý oryndarynyń rektorlarymen ne bolady?» dep surady. Biz ondaı rektorlarǵa tózimsizdik tanytamyz. Sol sebepti eger osyndaı faktiler anyqtalyp jatsa, biz ol rektorlardy JOO-daǵy qyzmetinen ketýin talap etemiz», - deıdi vıtse-mınıstr.
