QR BǴM janyndaǵy jastar uıymdaryn damytý jónindegi Úılestirý keńesiniń otyrysy ótti
ASTANA. 20 aqpan. QazAqparat - Búgin elordada QR Bilim jáne ǵylym mınıstrligi janyndaǵy jastar uıymdaryn damytý jónindegi Úılestirý keńesiniń otyrysy ótti,
dep habarlady atalǵan vedomstvonyń baspasóz qyzmetinen.
Mınıstrliktiń atap ótýinshe, keńestiń birinshi otyrysynda jastar uıymdarynyń ortalyq memlekettik organdarymen ózara is-qımyl tájirıbesi máseleleri, sonymen birge, olardy konsýltatıvtik-keńes organdarynyń quramyna kirgizý, jastardy jumysqa ornalastyrý jáne eńbekpen qamtý sharalary, «Jastar - Otanǵa» damý strategııasy qarastyryldy. Jıynda Qazaqstan Respýblıkasynyń 2020 jylǵa deıingi «Qazaqstan 2020: bolashaqqa jol» memlekettik jastar saıasaty tujyrymdamasyn júzege asyrý boıynsha naqty máseleler de talqylandy.
QR BǴM janyndaǵy Úılestirý keńesiniń qyzmeti jastar uıymdary qyzmetin odan ári jetildirýge, jastar saıasatyn damytýǵa jáne jastar uıymdary men memlekettik bılik organdarynyń ózara suhbatyn damytý men nyǵaıtýǵa baǵyttalǵan.
Úılestirý keńesiniń otyrysyna jetekshi jastar uıymdarynyń basshylary, 15 ortalyq memlekettik organdardyń ókilderi qatysty.
