QR BǴM vıtse-mınıstri: Qazaqstandyq ǵalymdardyń bir kemshiligi - aǵylshyn tilin bilmeýi
«Ǵylym salasyndaǵy álemdik trendterge ilesý úshin BǴM birqatar jumystardy qolǵa aldy. Osy turǵyda mınıstrliktiń jasaǵan jumystaryn atap óteıin. Birinshiden, 2017 jyldyń basynda bıýrokratııany qysqartyp, ǵylymı-zertteý statıstıka esepteriniń 60 protsentin qabyldamaıtyn boldyq. Biz barynsha ashyqtyqty qoldaımyz. Úkimettiń Qaýlysymen ulttyq ǵylymı keńestiń barlyq otyrystary arnaıy jaraqtandyrylǵan, beınejazba ornatylǵan kabınetterde ótetin boldy. Jańa granttardy bólý jumysynyń barlyǵy vıdeobaqylaý arqyly ótedi», - deıdi ol.
Vıtse-mınıstr BǴM halyqaralyq dárejede qazaqstandyq ǵalymdardyń múddesin qorǵaý quqyǵyna qol jetkizgenin atap ótti.
«Halyqaralyq ǵylymı-tehnıkalyq ortalyq qazaqstandyq 4 jobany qarjylandyratyn boldy. Demek, bizdiń ǵalymdar halyqaralyq granttarǵa talasýǵa quqyq aldy. Bul negizgi nátıje. Bizde tek bir ǵana másele bar. Biz aǵylshyn tilin bilmeımiz. Óıtkeni, barlyq halyqaralyq granttar aǵylshyn tilinde sarapqa salynady. Bul tek BǴM-nyń ǵana emes, ǵalymdardyń ózekti máselesi degen oıdamyn», - deıdi Aslanbek Amrın.
Onyń aıtýynsha, BǴM qazaqstandyq ǵalymdardyń barlyq ótinimderiniń avtomattandyrylýyn qamtamasyz etken. Demek, ǵalymdar qazirgi tańda onlaın túrde ótinim berip, týyndaǵan qandaı da bir suraqtardy Ǵylym qory túsindirip beredi.
