QR BǴM «Ulttyq akkredıtteý ortalyǵy» RMQK qaıta uıymdastyryldy

Qazaqstan Respýblıkasy Úkimetiniń qaýlysy

2012 jylǵy 31 tamyz №1110 Astana, Úkimet Úıi  

Qazaqstan Respýblıkasy Bilim jáne ǵylym mınıstrliginiń «Ulttyq akkredıtteý ortalyǵy» respýblıkalyq memlekettik qazynalyq kásipornyn qaıta uıymdastyrý týraly  

Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 130-babynyń 1-tarmaǵyna sáıkes Qazaqstan Respýblıkasynyń Úkimeti qaýly etedi:

1. Qazaqstan Respýblıkasy Bilim jáne ǵylym mınıstrliginiń «Ulttyq akkredıtteý ortalyǵy» respýblıkalyq memlekettik qazynalyq kásiporny qaıta qurý jolymen Qazaqstan Respýblıkasy Bilim jáne ǵylym mınıstrliginiń «Bolon protsesi jáne akademııalyq utqyrlyq ortalyǵy» sharýashylyq júrgizý quqyǵyndaǵy respýblıkalyq memlekettik kásiporny (budan ári - kásiporyn) bolyp qaıta uıymdastyrylsyn.

2. Mynalar:

1) Qazaqstan Respýblıkasy Bilim jáne ǵylym mınıstrligi Kásiporynǵa qatysty tıisti salanyń ýákiletti organy;

2) kásiporyn qyzmetiniń negizgi máni - joǵary jáne joǵary oqý ornynan keıingi bilim berý salasyndaǵy qyzmetti júzege asyrý bolyp belgilensin.

3. Qazaqstan Respýblıkasy Bilim jáne ǵylym mınıstrligi zańnamada belgilengen tártippen:

1) Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıtetine kásiporynnyń jarǵysyn bekitýge usynýdy;

2) kásiporynnyń ádilet organdarynda memlekettik tirkelýin;

3) osy qaýlydan týyndaıtyn ózge de sharalardy qabyldaýdy qamtamasyz etsin.

4. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.

5. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. 

Qazaqstan Respýblıkasynyń

Premer-Mınıstri K.MÁSІMOV.