QR BǴM: Talapkerlerge elimizdiń eńbek kúshi tapshy óńirlerinde bilim alýy úshin 4 myń grant bólindi
ASTANA. QazAqparat -2015-2016 oqý jylynda kadr tapshylyǵy oryn alyp otyrǵan óńirlerde bilim alǵysy keletin talapkerlerge tórt myńǵa deıin memlekettik bilim granty bólinedi. Bul týraly atalǵan vedomstvodan «QazAqparat» HAA tilshisiniń resmı saýalyna oraı málim etti.
«2015-2016 oqý jylynda eńbek kúshi shamadan tys óńirden eńbek kúshi tapshy oblysqa baryp bilim alǵysy keletin jastar úshin joǵary oqý oryndaryndaǵy mamandyqtar tizbesi keńeıtiledi, soynmen qatar bilim berý granttarynyń sany artady. Máselen, 2015-2016 oqý jylynda joǵary oqý oryndarynda pedagogıkalyq, tehnıkalyq jáne aýyl sharýashylyǵy mamandyqtary boıynsha granttar sany 4000-ǵa deıin arttyrylatyn bolady», - delingen habarlamada.
Mınıstrlik aqparatyna qaraǵanda, 2014-2015 oqý jylynda bul kórsetkish 1050 grantty quraǵan. Sonymen qatar atalǵan baǵdarlama boıynsha jańa oqý jylynda tehnıkalyq jáne kásiptik bilim berý mekemelerine 1200 stýdentti irikteý josparlanyp otyr.
«175 orynnan Shyǵys Qazaqstan, Batys Qazaqstan, Pavlodar, Qaraǵandy, Soltústik Qazaqstan, Aqmola oblystarynda qarastyrylǵan. Al Qostanaı oblysynda 150 adam grant boıynsha bilim ala alady», - dedi mınıstrlikten.
