QR BǴM Muǵalimder kúni qarsańynda Qazaqstandaǵy úzdik ustazdardy anyqtaıdy
NUR-SULTAN. QazAqparat - 2 qazan saǵat 11:00-de Muǵalimder kúni qarsańynda Bilim jáne ǵylym mınıstri Ashat Aımaǵambetovtiń qatysýymen saltanatty is-shara ótedi, dep habarlaıdy QazAqparat QR Bilim jáne ǵylym mınıstrliginiń baspasóz qyzmetine silteme jasap.
Baspasóz málimetterine qaraǵanda, merekelik jıyn barysynda «Úzdik pedagog-2020» baıqaýynyń jeńimpazdary anyqtalady.
Úzdik pedagogter 2 778 000 teńge (1000 AEK) kóleminde syıaqymen jáne tósbelgilermen marapattalady. Sondaı-aq muǵalimderge bul kúni bilim berý salasyndaǵy joǵary nagrada – «Y.Altynsarın» tósbelgisi tabystalady.
Marapattardy tapsyrý rásimi ár óńirde jeke QR Bilim jáne ǵylym mınıstrligi men Ortalyq kommýnıkatsııalar qyzmetiniń Facebook áleýmettik jelisindegi paraqshalarynda, sondaı-aq «Habar 24» respýblıkalyq telearnasy arqyly saǵat 11:00-de kórsetiledi.
