QR BǴM men «Ardagerler uıymy» óskeleń urpaqty otansúıgishtikke birlese baýlymaq (FOTO)
Aıta keteıik, mınıstrlik - Uly Otan soǵysy Jeńisiniń 70 jyldyǵyn merekeleýdi uıymdastyrý men ótkizý jónindegi keshendi sharalar josparyn negizgi oryndaýshylardyń biri. Qujatty bekitýdiń maqsaty jastardy otansúıgishtikke baýlý, ardagerlerdiń erlikterin jastar arasynda keńinen nasıhataý. Osy oraıda mınıstrlik pen «Ardagerler uıymy» birlese otyryp, birqatar iri jobalardy júzege asyrmaq. 2015 jyly Uly Jeńistiń 70 jyldyǵyna arnalǵan shyǵarmashylyq jastar arasynda «Jeńis jolymen» atty halyqaralyq festıval uıymdastyrylady dep kútilýde.
Qujatty bekitý barysynda QR Bilim jáne ǵylym vıtse-mınıstri Takır Balyqbaev memorandým aıasynda osy kelisim aıasynda úlken isterdiń bastamasy ekenin, osy oraıda vedomstvonyń departamentteri uıymmen birlese usynystardy talqylap, tıisti jumystardy atqarýǵa daıar ekenin atap ótti.
«Mınıstrlikpen arada osyndaı memorandýmdy qabyldaý úlken máseleniń basy dep baǵalap otyrmyz. Osy turǵyda eń bastysy - urpaq sabaqtastyǵy. Onyń ishinde Memleket basshysynyń «Máńgilik El» ıdeıasyn bizder aǵa urpaq ókilderi jastarmen birge iske asyrýǵa atsalyssaq mańyzdy. Memorandýmda mańyzdy máseleler qamtylǵan», - dedi «Ardagerler uıymy respýblıkalyq qoǵamdyq birlestigi tóraǵasynyń orynbasary Bekbolat Muqyshev.
